Nazioarteko Diru Funtsak eta Munduko Bankuak udaberriko lehen bilerei ekingo diete gaur, muga-zergen itzalpean
Nazioarteko Diru Funtsak (NDF) eta Munduko Bankuak (MB) udaberriko lehen bilerei ekingo diete gaur, eta zalantzarik gabe, Donald Trump Ameriketako Estatu Batuetako (AEB) presidenteak ezarritako muga-zergek munduko ekonomian izan duten eragina izango dute hizpide nagusi.
Kristalina Georgieva NDFko zuzendariak eta Ajay Banga BMko presidenteak jada ohartarazi dute egungo ziurgabetasun eta aldakortasun ekonomikoak Barne Produktu Gordinak gora egitea ekarriko dutela, eta horri aurre egiteko akordioak lehenbailehen adostea premiazko dela.
Hain zuzen, Georgieva ekonomialariak joan den astean jakinarazi zuen bere erakundeak datozen hilabeteotarako egingo dituen proiekzioetan hazkunde aurreikuspenak "nabarmen murriztuko" dituela eta inflazio aurreikuspenak, berriz, "handitu".
Gauzak ondo, datorren astean argitaratuko du Nazioarteko Diru Funtsak WEO izenez ezagutzen den txostena. Bertan, mundu osoko bankuen "osasuna" neurtzeaz gain, hurrengo seihilekorako prebisioak ere argitaratzen dira.
Gaurtik larunbatera arte, aipatutako bi erakundeotako ordezkariek bilera pribatuak zein publikoak egingo dituzte Washingtonen, askotariko adituen parte-hartzearekin. Horietan, munduko egoera ekonomikoa bakarrik ez, enplegua sortzeko bideak eta zorraren kudeaketa ere landuko dituzte.
Trumpek muga-zergekin ekonomia hankaz gora jartzeaz gain, zalantzan jarri du AEBko Administrazioak Nazioarteko Diru Funtsa edota Munduko Bankua bezalako erakundeetan izan beharreko parte-hartzea, eta gai hori ere mahai gainean izango da.
Egun, AEB da bi erakundeotako akziodun nagusia, baina ikusteko dago aurrerantzean zein izango den bere ekarpena. Halaber, joan den urtean Joe Bidenek Sustapenerako Nazioarteko Elkargoari agindutako 4.000 milioi euroko partida airean dago.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.