Hezkuntza Sailak mahai negoziatzailea deitu du ostegunerako eta proposamen berria iragarri du
EAEko Hezkuntza publikoko sindikatuek (Steilas, LAB, ELA eta CCOO) beste bost greba egun erregistratu —maiatzaren 12tik 16ra— eta biharamunean, Begoña Pedrosa Eusko Jaurlaritzako Hezkuntza sailburuak negoziazio mahai sektoriala deitu du datorren ostegunerako, maiatzaren 8rako. Bertan, proposamen berria jarriko die mahai gainean sindikatuei Gasteizeko Gobernuak. "Proposamen berri, bideragarri eta on bat", esan du sailburuak.
Asteroko Gobernu Bileraren ondoren egin duen agerraldian iragarri du hitzordua Pedrosak. Esan du Jaurlaritzaren lehentasuna "akordioa ahalik eta azkarren" lortzea dela, eta horretarako, "bere esku dagoen guztia" egiten ari dela. "Gure ikasleen oraina eta etorkizuna dago jokoan, gure hezkuntza sistemarena. Negoziazio honen hasieratik lortu nahi dugun akordioak etorkizuneko benetako apustua izan behar duela defendatu dugu", zehaztu du.
Aurreratu duenez, lantzen ari diren proposamenak, besteak beste, Lehen Hezkuntzan "ratioak 22ra jaistea" jasoko du, "ikasleei hobeto erantzuteko", eta baita ere "ikastetxe guztietan irakasle kopurua handitzea", ikasle etorri berrien eta behar bereziak dituztenen premiak egokiago bideratzen laguntzeko.
Soldatei dagokienez, Pedrosak esan du, hitzez hitz,"arrazoizko soldata-igoera proposamena" aurkeztuko zaiela sindikatuei, "testuinguru zail eta konplexuetan" lan egiten duten irakasleen jarduna aitortzeko. Hizkuntza proiektuetara zuzendutako baliabideak indartzea ere aurreikusten da.
Neurri horiek "ikastetxeen eskariei" zuzenean erantzuten dietela esan du sailburuak. "Baliabide gehiago, ikastetxeak indartzeko, irakasleei laguntza gehiago emateko eta ikasleen emaitzak hobetzeko", erantsi du.
Horiek esanda, nabarmendu du ez direla negoziazio mahaitik altxatuko harik eta "begirada etorkizunean duen akordio serio" bat adostu arte. Berretsi du, halaber, Hezkuntza Sailak horretarako "borondate eta konpromiso irmoa" dituela.
Irakasleen aldarrikapenak
Mobilizazioei ekin zietenetik, sindikatuek behin eta berriz salatu dute irakasle publikoek 15 urte daramatzatela lan-akordioa eguneratu gabe. Lan-kargak arintzea, plantillak gaztetzeko, enplegu publikoa sendotzeko eta bermatzeko plan egokia ezartzea eta erosteko ahalmena berreskuratzea daude euren aldarrikapenen artean.
Lan-osasuna, euskara eta hezkidetza bermatzeko neurriak ere eskatzen dituzte.
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.