Sindikatuek beste bost greba erregistratu dituzte EAEko hezkuntza publikoan, maiatzaren 12tik 16ra
Aurreikusi bezala, Hezkuntzako sindikatuek (Steilas, LAB, ELA eta CCOO) beste bost greba egun erregistratu dituzte —maiatzaren 12tik 16ra— Euskal Autonomia Erkidegoko hezkuntza publikoko irakasleen kolektiboan.
Sindikatu deitzaileen arabera, Hezkuntza Saila eta Eusko Jaurlaritza ez zaizkie euren aldarrikapenei erantzuten ari eta horregatik deitu dituzte lanuzte gehiago.
Greba-egun gehiago erregistratu ostean, kontzentrazioa egin dute Eusko Jaurlaritzak Bilbon duen egoitzaren atarian. Haizea Arbidek (Steilas) Eusko Jaurlaritzaren eta Hezkuntza Sailaren jarrera salatu du, eta gaineratu apirilaren 9tik ez direla beraiekin harremanetan jarri. Horren esanetan, ez dute gatazka konpontzeko borondaterik eta "itxurakeria besterik ez dute egiten"
Sindikatu horiek grebarekin jarraitzeko asmoa agertu zuten apirilaren 10ean, Hezkuntza Saila euren aldarrikapenei erantzuten ari ez zaiela iritzita.
Lau sindikatuek martxoaren 25ean, 26an eta 27an eta apirilaren 1ean eta 2an grebara deitu zituzten hezkuntza publikoko 27.000 irakasleak, eta bederatzi lanuzte egin dituzte orain arte.
Greben azken ziklo horren ondoren, Hezkuntza Sailak eta unibertsitatez kanpoko irakaskuntza publikoko sindikatuek negoziatzeari ekin zioten, baina ez zuten akordiorik lortu. Hori dela eta, mobilizazioekin jarraitzeko asmoa agertu dute, bost lanuzte gehiago erregistratuta, maiatzaren 12tik 16ra.
Irakasleen aldarrikapenak
Sindikatuek salatu dutenez, irakasle publikoek 15 urte daramatzate lan-akordioa eguneratu gabe, eta, besteak beste, lan-kargak arintzea, plantillak gaztetzeko, enplegu publikoa sendotzeko eta bermatzeko plan egokia ezartzea eta "erosteko ahalmena berreskuratzea" eskatzen dute.
Horrekin batera, nabarmendu dute lan-osasuna, euskara eta hezkidetza bermatzeko neurriak proposatu behar direla.
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.