BSHk itxi egingo du Eskirotzen duen lantegia
BSHk astelehen honetan iragarri du Ezkirotzeko lantegia itxi egingo duela. BSHren nazioarteko zuzendaritzak bilera deitua zuen gaurko Nafarroako Gobernuarekin eta Industria Ministerioarekin, bere erabakiaren berri emateko, eta hitzorduan jakinarazi die ez duela luzatuko kaleratze kolektiborako epea, langileek eta Gobernuak egin dioten deiari entzungor eginez. Ekainaren 16an itxiko ditu ateak etxetresna fabrikatzaileak, Nafarroako lantegi handietako bat ere izan denak.
Datorren astean hasiko dira 665 pertsona kalean geratuko diren enplegu-erregulazioko espedientea negoziatzen.
Maria Chivite Nafarroako Gobernuko presidenteak eta Mikel Irujo eta Carmen Maeztu kontseilariek agerraldia egin dute Nafarroako Jauregiko prentsa aretoan, itxieraren berri emateko. Erabaki horren aurka irmo dagoela jakinarazi dio Chivitek BSHren zuzendaritzari, eta erabateko akatsa dela esan du, eta enpresaren "gizatasun faltaz" mintzatu da.
Nafarroako presidenteak aurreratu du Industria Ministerioarekin harremanetan jarriko dela lantegiaren jarduerari eusteko interesa agertu duten enpresekin harremanetan jartzeko. Horren arabera, badago lantegiaren jarduerari eusteko aukera.
Bien bitartean, batzordearen ordezkaritza bat Bruselara bidean da astearte honetan Industria komisarioarekin eta Enplegu komisarioarekin biltzeko, BSHk abenduaren 16an iragarri eta astelehen honetan baieztatu duen itxieraren berri emateko.
BSHk Eskirotzen duen lantegiko beharginek bi urte baino gehiago zeramatzaten aldi baterako enplegu-erregulazioan. Aurretik, Alemaniako enpresak Etxarri Aranatzen eta Lizarran zituen lantegiak itxi zituen.
Langile-batzordea, "alternatiba bideragarrien" bila
Iragarpenaren ondotik, Eskirozeko langileen batzordeak adierazi du lanean jarraituko duela "alternatiba bideragarri eta egingarri" baten bila. Juanjo Hermoso de Mendoza batzordearen presidenteak egin ditu adierazpenok komunikabideen aurrean, Bartzelonako aireportuan zegoela.
Batzordearen presidenteak uste du "antolakuntza eta ekoizpen arrazoiengatik" egingo dituztela kaleratzeak, eta azpimarratu du itxieraren inguruko kontsulta-epea ekainaren 17an zela hastekoa.
Langileak, borrokarako prest
Erabakiaren berri izan ondotik, astelehen goizean asanblada egin dute langileek. Aitortu dutenez, erabakia ez da sorpresa izan, eta onartu dute azkenean abenduaren 16ko mamua gauzatu egin dela.
Hala, iragarri dute bihartik aurrera grebara joko dutela, eta adierazi dute "elkarrekin" egoteko unea dela, orain inoiz baino gehiago. Grebaz gain, egunero batzarrak egingo dituztela ere azaldu dute. "Deslokalizazio argiaz" mintzatu dira eta borrokarako deia luzatu dute.
Albiste gehiago ekonomia
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.