Euskadiko Industria Plan berriak 15.900 milioi mobilizatu nahi ditu, kalitatezko enplegua sortzeko asmoz
Euskal industria bultzatzeko baliabide publiko-pribatuak % 50 haziko dira, baina laguntza programak erdira murriztuko dira. Euskadiren historiako "apusturik handiena" dela azpimarratu du Imanol Pradales lehendakariak. Era berean, "bustitzeko", "erabaki ausartak" hartzeko eta industria defendatzetik erasora pasatzeko deia egin du.
Euskadiko Industria Plan berriaren baitan, 3.900 milioi euro inbertituko ditu Eusko Jaurlaritzak legegintzaldi honetan. Hori bakarrik ez, sektore pribatutik 12.000 milioi euro lortu nahi ditu. Hortaz, guztira 15.900 milioi euro mobilizatzea aurreikusten du.
Gauzak horrela, euskal industria bultzatzeko baliabide publiko-pribatuak % 50 haziko dira, baina laguntza programak erdira murriztuko dira. Programa gutxiago izango dira, baina horietako bakoitzera diru gehiago bideratuko da. Eusko Jaurlaritzak 2030 urtera arte prestatu duen Industria Plana aurkeztu du, gaur goizean, Mungian, eta bertan izan dira, besteak beste, Imanol Pradales lehendakaria eta Mikel Jauregi Industria Industria, Trantsizio Energetiko eta Jasangarritasun sailburua.
Jauregiren arabera, Industria Planaren helburu nagusia etorkizuneko belaunaldientzat kalitatezko lanpostuak sortzeko oinarriak ezartzea da: enplegu egonkorra eta ondo ordaindua.
Imanol Pradales lehendakariak Euskadik inoiz egin duen "apusturik handiena" dela azpimarratu du, eta "bustitzeko", "erabaki ausartak" hartzeko eta industria defendatzetik erasora pasatzeko deia egin du.
Industria Planak hiru ardatz nagusi ditu: industria gehiago, industria hobea eta emisio gutxiago sortuko duena. Halaber, deskarbonizazioari dagokionez, inbertsioak egiteko denbora % 30 murriztu nahi du Eusko Jaurlaritzak.
Halaber, 20 proiektu eraldatzaile garatzea aurreikusten du Industria Planak. Horien lidergoa, neurri berean, publikoaren eta pribatuaren artean banatuko da.
Sektore estrategikoak eta proiektu eraldatzaileak
Industria Plan berriak gaur egun suspertzaile diren sektore estrategikoen aldeko apustua egiten du, hala nola automobilgintzan, mugikortasun jasangarrian, ekoizpen aurreratuan eta metalurgian. Horrez gain, etorkizuneko sektore potentzialetan inbertitzea lehenetsi nahi du.
Eusko Jaurlaritzaren 15 lehentasunen artean daude, besteak beste, enpresak bertan errotzea, atzerriko inbertsioak erakartzea, talentu berria garatzea, emakumeak industriara erakartzea eta, deskarbonizazioa, enpresa txiki eta ertainen tamaina handitzea eta adimen artifiziala bultzatzea.
Euskadiko Industria Plan berria Eusko Jaurlaritzak garatu du erakunde publikoen, Europako Batzordearen eta industria klusterren, enpresa elkarteen eta enpresa erreferenteen laguntzarekin. Hemendik aurrera, gizarte, enpresa eta ekonomia alorreko eragileen ekarpenak jasoko dira. Gobernu kontseiluak Industria Plana uda ostean onartu nahi du, eta ondoren Eusko Legebiltzarrera eraman.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.