Villavesetako langileen batzordeak manifestazioa deitu du uztailaren 5erako, gutxieneko zerbitzuak "gehiegizkoak" direla salatzeko
Greba mugagabearen lehen egunak "jarraipen zabala" izan zuen, sindikatuen arabera. Sanferminak hasteko lau egun falta direla, lan-gatazka ez atzera ez aurrera dago, eta Iruñerriko Mankomunitateak bitartekaritza egingo du, egoera bideratzeko.
Iruñea, atzo. Argazkia: EITB Media
Iruñeko eta Iruñerriko garraio-zerbitzu publikoa —villavesak izenez ezaguna— kudeatzen duen Moventis TCCko langile-batzordearen ustez, "gehiegizkoak" dira greba egunetan konpainiak ezarritako gutxieneko zerbitzuak, eta hori salatzeko, manifestazioa deitu du datorren uztailaren 5erako. Iruñean izango da mobilizazioa, eta villavesetako erabiltzaileak parte hartzera deitu dituzte.
Enpresak mahai gainean jarritako azken proposamena nahikoa ez zela iritzita, langileek bozketan erabaki zuten greba mugagabea abiatzea. Lanuztearen lehen egunak izandako "jarraipen zabala" nabarmendu zuten atzo sindikatuek.
Orain bi urte balio gabe gelditu zen hitzarmena eguneratzea aldarrikatzen dute beharginek. Besteak beste, urteko lanaldia murriztea, soldata KPIaren arabera eguneratzea, galdutako erosahalmena berreskuratzea eta jai-egunetako eta gaueko plusak handitzea eskatzen dute.
Bigarren greba-egun honen hasieran, enpresak oharra kaleratu du "piketeen ondorioz" zerbitzuetan "atzerapenak" daudela jakinarazteko. Moventis TCCren arabera, ezarritako zerbitzu minimoak "betetzen" ari dira, "erabiltzaileen mugikortasuna bermatzeko".
Sanfermin jaietako txupinazorako lau egun falta direla, negoziazioa ez atzera ez aurrera dago, eta Iruñerriko Mankomunitateak iragarri du bitartekari bat izendatuko duela, gatazka bideratzeko.
ZERBITZU MINIMOAK
Greba deialdia dela eta, Iruñerriko Mankomunitateak ezarritako zerbitzu minimoak honakoak dira:
- Sanferminetan (uztailaren 6tik 14ra): zerbitzuen % 70, egun osoan.
- Sanferminen atariko egunetan (uztailaren 2tik 4ra): zerbitzuen % 60, puntako orduetan (6:30-09:30, 13:00-15:30 eta 17:00-20:30). Zerbitzuen % 40, gainerako orduetan (09:30-13:00, 15:30-17:00 eta 20:30-22:30).
- Uztailak 5: zerbitzuen % 60, egun osoan.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.