Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Enviser azpikontratako langileen protesta, Gasteizen. Irudia: LAB
Enviser Gasteizko lorategiak zaintzeko eta garbitzeko ardura duen azpikontrataren enpresa-batzordean ordezkaritza duten sindikatuek gaur baztertu egin dute Eusko Jaurlaritzako Lan Sailak bere lan-baldintzei buruz egindako proposamena, eta, beraz, duela 100 egun baino gehiagotik egiten ari diren grebak aurrera jarraitzen du.
Lan Sailak grebari amaiera ematen saiatzeko proposamen bat helarazi zien astelehenean Enviserreko zuzendaritzari eta batzordean ordezkatuta dauden sindikatuei, eta gaurko sindikatuek batzarra deitu zuten beharginek agiri horri buruzko iritzia eman zezaten bozketa batean.
Azkenean, ELAk, LABek eta ESKk akordioa lortu dute proposamena atzera botatzeko, eta bozketa ez da egin, sindikatuetako iturriek baieztatu dutenez.
Asteazkenean, beste bilera batean, proposamenaren aurkako jarrera helaraziko diote Lan Sailari.
Lan-gatazkaren ondorioz, Enviser azpikontratako beharginek greba abiatu zuten martxoaren 26an, hitzarmen propioa eskatzeko eta, batez ere, soldata igoerak eskatzeko, Lanbide arteko Gutxieneko Soldata ia gainditzen ez duten ordainsariak baitituzte.
Harrezkero, negoziazio ugari izan dira zuzendaritzaren eta enpresa-batzordearen artean, eta lau aldiz bildu dira Precon, Eusko Jaurlaritzaren bitartekaritza zerbitzuan.
Batzar horiek guztiak jarrera hurbilketarik gabe amaitu zirenez, Lan Sailak bi aldeak astelehenean deitzea erabaki zuen, proposamen bat aurkezteko. Enviserreko zuzendaritza ados dago eskaintzarekin, baina sindikatuek uste dute ez datorrela bat haien eskaerekin, batez ere planteatzen diren soldata igoerei dagokienez.
Grebak hiriko hainbat parke eta lorategitan izan du eragina, landaretza asko hazi baita, eta udal igerilekuetan ere arazoak sortu ditu.
Era berean, aurtengo Araba Euskaraz jaiak kokalekua aldatu behar izan zuen, Olarizuko parkean ezin zelako bermatu ekitaldiaren garapen normala.
Txakurren jabeek ere protestak egin dituzte egoera salatzeko; izan ere, kaparrak ugaritu direla diote.
Zenbait eremutan arazo horiek konpontzen joan dira, joan den ekainaren 16an Eusko Jaurlaritzak "ohiz kanpoko" gutxieneko zerbitzu batzuk ezarri ondoren. Sindikatuek gehiegizkotzat jotzen dituzte gutxieneko zerbitzu horiek.
Ekonomiari buruzko albiste gehiago
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.