Tubos Reunidosek 28 milioi galdu ditu lehen seihilekoan, merkataritza-gerraren ondorioz
Konpainiaren arabera, galera horien arrazoi nagusiak muga-zergen politikak dira, "merkatua ziurgabetasunez betetzea” eragin baitute.
Tubos Reunidosek galerak izan ditu 2025eko lehen seihilekoan. Konpainiak Balore Merkatuaren Espainiako Batzordeari jakinarazi dionez, emaitza garbia -28,4 milioi eurokoa izan da, aurreko urtean baino 68,8 milioi euro gutxiago.
Konpainiak uztailean aurreratu zuen Aldi Baterako Enplegu Erregulazioko Espedientea aplikatuko duela Amurrioko (Araba) bere lantegian, 2025eko irailaren 1etik 2026ko otsailaren 28ra arte.
Tubos Reunidos Groupek ohar batean azpimarratu duenez, emaitzek islatzen dute "nazioarteko merkataritzaren murrizketek eta muga-zergen politikek ziurgabetasunez betetako merkatu batean izan duen eragina".
"Soldadurarik gabeko hodien sektorea ziklikoa da, eta, zalantzarik gabe, moteltze-fase batean murgilduta gaude", gaineratu du taldeak.
Hala eta guztiz ere, enpresak azaldu du aldi horretan diru-sarrerak % 19,1 igo egin direla, 205,8 milioi euroraino, eskaera-zorroa igo egin baita.
Konpainiaren arabera, Estatu Batuek bultzatutako muga-zergen neurriek, bereziki altzairuaren eta aluminioaren gainekoek , "banatzaileek eta operadoreek erosteko eta inbertitzeko erabakiak hartzerakoan atzeraldia eragin dute". Horren ondorioz , eskaera-zorroaren bolumena % 26 jaitsi da 2024. urtearen amaierarekin alderatuta.
Muga-zergek taldearen EBITDAn urteko lehen sei hilabeteetan izango duten eragina (-0,7 milioi) 15 milioi euro ingurukoa izango dela kalkulatzen da, muga-zergek, bezero-kopuruaren beherakadak eta eskaeren jaitsierak eraginda.
Ziurgabetasunari aurre egiteko, Tubos Reunidosek hainbat neurri hartu ditu, besteak beste, merkatu osagarrietan merkataritza bultzatzea, "arantzelak AEBko salmentetan duen eragina arintzeko", baita kostuei eusteko politikak eta neurri operatiboak hartzea ere.
2025eko lehen seihilekoan, Iruña Okan enpresak duen lantegian ekoizpen arrazoiengatik aldi baterako enplegu erregulazioko espediente bat aplikatu da, % 50eko gehieneko intzidentzia mailarekin.
Zor garbia 243,7 milioi eurokoa da seihilekoaren amaieran, hau da, koska txiki bat egin du gora 2024ko abenduaren 31n erregistratutako 234,3 milioiekin alderatuta.
Ekonomiari buruzko albiste gehiago
Epaileak Balenciaga ontziola erosteko baimena eman die Abu Dhabi Port eta Premier Marine enpresei
Eragiketa gauzatzen bada, 2024tik indarrean dagoen hartzekodunen konkurtsoari amaiera eman ahal izango dio Zumaiako enpresak.
Gasteizko lorezainen greba "ahalik eta lasterren" amaitzea espero du Etxebarriak
Maider Etxebarria Gasteizko alkatea "baikor" agertu da lorezainen grebaren amaieraren inguruan, "ahalik eta lasterren" amaitzea espero baitu.
Euskadira iritsiko den zenbatekoa jakin zain, Eusko Jaurlaritzak txalotu egin du elektrifikazioan aurreikusitako inbertsioa
Mikel Jauregi Industria sailburua pozik agertu da Rajoyren garaian ezarritako inbertsio-mugak ezabatzeko formulak aurkitu dituelako Espainiako Gobernuak, eta, aldi berean, positibotzat jo du inbertsio-hazkundea neurri handi batean industriari zuzenduta egotea. Datorren astean aldebiko bilera bat egingo dute bi administrazioek, proposamenaren xehetasunak zehazteko.
Espainiako Gobernuak 13.590 milioiko inbertsioa proposatu du sare elektrikoan 2030era arte, % 65 gehiago
Proposamenaren arabera, 14 aldiz handiagoa izango da kontsumitzaile berrientzako garraio-sarerako sarbidea, 27,7 gigawattera arte (GW), eta garrantzi berezia izango dute industriak (9 GW), hidrogeno berdeak (13,1 GW) eta datu-zentroek (3,8 GW). Sorreran, 150 GW fotovoltaiko, 60 GW eoliko eta 100 GW biltegiratze baino gehiagoko eskaerak erregistratu dira.
Gasteizko lorazainek 5.000 sinadura aurkeztu dituzte gatazka konpontzeko bidean Udalaren "benetako inplikazioa" eskatzeko
Martxotik greban dauden Enviser enpresako enpresa batzordeak 5.098 sinadura eraman ditu gaur San Martingo udal bulegoetara. Gasteizko Udalaren inplikazio handiagoa eskatu dute langileek, eta herritarrengandik jaso duten babesa eskertu dute.
KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.
Sabadelleko kontseiluaren arabera, BBVAren eskaintza ez da nahikoa, eta ez onartzeko gomendatu die akziodunei
Horren ustez, akzioak erosteko eskaintza "oldarkorra" da, "ez du bankuaren akzioen berezko balioa behar bezala jasotzen", eta Sabadellen proiektua "nabarmen gutxiesten du".
Merkatuek esperotakoa betez, % 2an mantendu ditu EBZk interes-tasak
Europako Banku Zentralak berretsi du inflazioa % 2ko helburuan egonkortzeko "erabakia" duela epe ertainera, eta, horretarako, tasak finkatzeko orduan, datuen araberako ikuspegia "bileraz bilera" aplikatuko dela.
Eusko Jaurlaritzak siderurgiako, makina-erremintako eta automobilgintzako muga-zergei buruzko mahaiak jarriko ditu martxan
Muga-zergen maparen "azken argazkiaren" faltan, Eusko Jaurlaritzaren kalkuluen arabera, EAEk AEBra egiten dituen esportazioek 349 milioi euro inguruko gainkostua izan dezakete, eta salmentek 700 milioi euro inguru egin dezakete behera, BPGa % 0,33 jaitsita. Salmenten murrizketa % 22-27koa izango litzateke kaltetutako produktuetan.
Kongresuak atzera bota du lanaldia murrizteko proiektua, PP, Vox eta Juntsen botoekin
Hiru alderdion baturari esker, Yolanda Diaz Lan ministroaren legealdiko proiektu izarrak bere bidea amaitu du Kongresuan. Bere hitzartzean, gogor mintzatu da Sumarreko burua, bereziki Juntsen aurka, eta ohartarazi du "borroka hau kalean irabazita" dagoela.