Sagarrondoak eguzki plaken azpian: Sagardo sagarrak ekoizteko lehen instalazio fotovoltaikoa jarriko dute Gasteizen
Iberdrolaren proiektu aitzindaria da, eta energia elektriko berriztagarria ere ekoitziko du. Egitura berri horrek sagarrondoei itzala emango die, sagarraren kalitatea hobetuz.
Eguzki plaken azpian haziko diren sagarrondoak izango ditu Gasteizek; izan ere, Euskadiko lehen instalazio fotovoltaiko adimenduna eraikiko dute bertan, sagardoa egiteko sagarrak landatzeko. Asmoa da energia elektriko berriztagarria ekoiztea.
Ibedrola konpainiak eman du astearte honetan ekimenaren berri, berak garatuko baitu Euskal Autonomia Erkidegoan aitzindaria izango den proiektu hori, eta Kuartango sagardotegia izango da ustiaketaz arduratuko dena.
Instalazioa Gasteizko Udalak utzitako lurretan kokatuko da, eta 900 kilowatt baino gehiagoko potentzia izango du. Eguzki-plakak sagarrondoen gainean jarriko dira, 4 bat metroko altueran, arkupedun egitura batean.
Powerful Tree euskal enpresa arduratu da adimen artifiziala erabilita, ahalik eta eguzki-plaka eraginkorrenak diseinatzeaz. Hala, sustatzaileek adierazi dutenez, plaka horiek, energia hornitzeaz gain, itzala sortuko dute, zuhaitzak klima txarretik babestuz, lurzoruaren eta laborantzaren kalitatea hobetuz eta uraren erabilera murriztuz.
Arkupedun egitura nagusiari kable tenkatuen diseinu berria gehituko zaio, ibilgailuen joan-etorri librea ahalbidetzeko eta instalazioaren mantentze-kostuak murrizteko.
Gainera, modulu fotovoltaikoek bi aldeetatik lan egingo dute, sagarrondoen beharretara egokitu ahal izateko, eta panelen itzalaren bidez eguzkiaren eta tenperaturaren eragina erregulatzeko.
Proiektua Basaldea nekazaritza-enpresa ekologikoen zentroan integratuko dute, nekazaritza-enpresen hazitegi batean. Bertan, nekazaritza ekologikoko ustiategi berriak sustatzeko lurrak eta ekipamendu komunak jartzen dira ekintzaileen eskura, eta, aldi berean, laboreen zuzeneko salmenta-puntua da.
Iberdrolak beste proiektu agrovoltaiko adimendun batzuk garatu ditu. Lehenengoa 2022an jarri zen martxan Gonzalez Byass eta Grupo Emperador mahastietan, Toledoko Guadamur herrian.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.