Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Euskadin, batez besteko erretiro-pentsioa 1.836 eurokoa izan da abuztuan, eta 1.688 eurokoa, Nafarroan. Estatuko lau altuenen artean daude biak, Gizarteratze, Gizarte Segurantza eta Migrazio Ministerioak astearte honetan jakitera eman duenez.
Erretiro-pentsiorik handiena duten bost erkidegoen zerrenda hiru hauekin osatzen da: Asturias (1.776,65), Madril (1.729,74) eta Kantabria (1.595,03) dira. Estatuko batezbestekoa 1.507,55 eurokoa da.
Erretiroagatiko pentsioaz gain, ezintasun iraunkorrekoa, alarguntasunagatikoa, zurztasunagatiko eta senideen aldeko pentsioa ere barne hartzen ditu sistemak. Horiek guztiak kontuan hartuta, abuztuan 585.588 pentsio ordaindu dira Euskadin, eta 147.498, Nafarroan.
Pentsio moten arabera banatuta, Euskadin abuztuan ordaindu dira 391.606 erretiro-pentsio, 132.895 alarguntza-pentsio (1.129 22 euroko batezbestekoa), 42.932 ezintasun iraunkorragatik (1.533,04 euroko batezbestekoa), 15.884 zurztasunagatik (633,74 euroko batezbestekoa) eta 2.271 senideen alde (992,11 euroko batezbestekoa).
Nafarroan, erretiro-pentsioak 102.346 dira, alarguntza-pentsioak 30.011 (1.034,04 euroko batezbestekoa), ezintasun iraunkorrekoak 10.525 (1.436,97 euro, batez beste), umezurtz-pentsioak 4.245 (557,25 euro, batez beste) eta senideen aldeko pentsioak 371 (839,14 euro, batez beste).
Estatu mailan, Gizarte Segurantzak abuztuan 13.620,8 milioi euroko zifra errekorra erabili zuen kotizaziopeko pentsioen hileko nomina arrunta ordaintzeko, 2024ko hilabete berean baino % 6,2 gehiago.
Abuztuko nominan jasoko da aurten onartutako pentsioen igoera; % 2,8an oro har, eta % 6 eta % 9 artean, gutxieneko pentsioen kasuan.
Hil honetako kotizaziopeko pentsioen nominaren ia hiru laurden erretiro-pentsioei zegozkien, 9.954,9 milioi euroko zenbateko globalarekin, 2024ko abuztuan baino % 6,1 gehiago.
Zure interesekoa izan daiteke
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.
Mercosur akordioaren kontra, traktoreak kalera atera dituzte nekazariek Iruñean eta Gasteizen
Bihar sinatzekoa den Mercosur akordioaren kontra traktoreak kalera atera dituzte nekazariek. Iruñean eta Gasteizen traktoreak baliatuz egin dute protesta, haien kalterako izango omen den merkatu librearen akordioari aurre egiteko.
EAEko industria-jarduera % 0,8 hazi da urte batetik bestera azaroan, baina % 1,0 jaitsi da hiletik hilera
Eustaten datuen arabera, ekipo-ondasunek gora egin dute urterik urte, nahiz eta Araban hilean behera egin eta jarduerak behera egin.