Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Balore Merkatuaren Espainiako Batzordeak (CNMV, gaztelaniazko sigletan) BBVAk Sabadell erosteko egin duen eskaintza publikoa baimendu du, ohar baten bidez jakinarazi duenez.
Ikuskatzailearen ustez, eskaintzaren baldintzak bat datoz indarrean dauden arauekin, eta nahikotzat jo du BBVAk irailaren 3an aurkeztutako azalpen-liburuxkaren edukia.
Onarpen-epeari dagokionez, CNMVk adierazi du 30 egun naturalekoa izango dela, lehen iragarkia argitaratu eta hurrengo burtsa-egun baliodunetik aurrera, eskaintzaren funtsezko datuekin.
CNMVk gogorarazi du eskaintzen den kontraprestazioa mistoa dela: BBVAren jaulkipen berriko akzio bat gehi 0,70 euro eskudirutan Banco Sabadellen 5,5483 akzioko.
Erosteko Eskaintza Publikoak arautzen dituen Errege Dekretuak jasotakoa betez, BBVAk eskaintzaren zabalkunde publikoa eta orokorra egin behar du, gehienez ere bost eguneko epean. Zehazki, Sabadellek kotizatzen duen balore-burtsen kotizazio-buletinean (Madril, Bartzelona, Bilbo eta Valentzia) eta, gutxienez, hedapen nazionaleko egunkari batean argitaratu behar ditu iragarkiak.
BBVAk astelehenean kaleratuko du EEPa
BBVAk aurreratu du datorren astelehenean, irailaren 8an, kaleratuko duela Erosteko Eskaintza Publikoa, eta urriaren 7an amaituko dela. Sabadelleko kontseiluak, berriz, horren inguruan duen jarrerari buruzko txostena egin beharko du irailaren 18rako.
Urriaren 14an argitaratuko dira eskaintzaren emaitzak, eta urriaren 17tik 20ra bitartean likidatuko da.
Ordainketa-berme gisa, BBVAk bi gordailu aurkeztu ditu 701,4 milioi euro eskudirutan ordaintzeko, eta 2.300 milioi euroko gordailu gehigarri bat.
CNMVk onartutako liburuxkak eskaintzaren arrakasta baldintzatzen jarraitzen du BBVAri kapitalaren % 50 baino gehiago erosteko aukera emango dioten gutxieneko akzio kopurua onartzera, burtsa-ikuskatzaileak onarpen-atalasea gutxienez % 30era jaisteko baimena eman arren.
Sabadellek eskaintza "pobrea" dela uste du, iazkoa baino okerragoa
Sabadellen arabera, BBVAk akziodunei egiten dien eskaintza "pobrea" da, hipotesi "ez oso errealistak" ditu, eta 2024ko maiatzean EEPa merkaturatu zenean "Sabadellen kontseiluak baztertu zuena baino okerragoa da".
Ekonomiari buruzko albiste gehiago
Santanok baieztatu du Aralar gurutzatuko ez duen AHTaren bide berri bat aztertuko duela Ministerioak
Euskal Y-a Nafarroako trenbidearekin lotzeko hirugarren aukera bat aztertzea erabaki du Estatuko Gobernuak eta horren bideragarritasuna jakiteko zulaketa-lanak egingo dituztela baieztatu du Santanok. 2026ko udaberrirako informazioa guztia esku artean izatea espero du, erabaki bat hartu ahal izateko.
Eusko Jaurlaritzak eta Poloniako Gobernuak Europaren autonomia estrategikoa bultzatzearen alde egin dute
Astelehen honetan Bilbon egin duten Euskadi-Polonia Foroan aztergai izan dute, besteak beste, itsasoko energia eolikoan eta teknologia garbietan lankidetzan aritzea, baita teknologia aeroespazialetan eta azpiegitura adimendunetan eta logistikoan ere.
Diru-sarrera txikienak dituzten autonomoen kuotak izoztea proposatuko du Gizarte Segurantzak, 2026rako
"Ministerioa lantzen ari den proposamena egiteko kolektiboari entzuten ari zaio, eta datorren urterako lehenengo hiru kuotak izoztea dakar", adierazi du Elma Saizek, Gizarteratze, Gizarte Segurantza eta Migrazio ministroak.
Senide baten heriotzagatiko baimena ahaidea hil eta lau astera hartu ahal izango da
Lan Ministerioaren proposamenak zainketa aringarrietarako baimen berria ere zehazten du, eta 15 egunera arteko iraupena izango du.
Tradisnako garraiolari nafarrek protesta egin dute A-68an
Tradisna Nafarroako garraiolarien elkarteak mobilizazioekin jarraitzen du. Gaur A-68 autobidean egin dute protesta. Besteak beste, bidesariak kentzeko eta fiskalitatea beste erkidegoetan dutenarekin parekatzeko eskatzen dute.
Bitcoin bidezko ordainketak onartzen dituen EBko lehen azoka izango da Barakaldokoa
Azaroaren 18an iritsiko da Barakaldoko merkatura ordainketak kriptotxanponak edo bestelako sistema digitalak erabiliz egiteko aukera, eta bertako postu gehienetan onartuko dituzte.
Zer gertatuko da orain BBVA eta Sabadellekin? Massimo Cermelli ekonomialariak gakoak eman dizkigu
Massimo Cermelli Deustuko Unibertsitateko Ekonomia irakaslearen arabera, BBVA eta Sabadellekin gertatu denak argi utzi du erosteko eskaintza oldarkorrek ez dutela Espainiako merkatuan funtzionatzen.
Euskadin duen presentzia indartzen jarraitzeko deia egin dio Eusko Jaurlaritzak BBVAri
Sabadellen akzioak erosteko eskaintza publikoaren bidea amaitu ostean Lehendakaritzako iturriek gogoratu dutenez, "bi enpresa pribaturen arteko operazioa zena akziodunek erabaki behar zuten eta erabaki dute". Hala ere, "finantza-sektore sendo, lehiakor eta errotua izatea ona eta beharrezkoa" dela nabarmendu du, bai Euskadiko ekonomiarentzat, bai Kataluniakoarentzat.
EAEko langabezia tasa % 6,8ra igo da hirugarren hiruhilekoan, 12.500 langabe gehiago zenbatuta
Azken urtean, landunen kopuruak gora egin du (8.400 landun gehiago), eta langabezia tasa % 7,2tik % 6,8ra murriztu da.
Torresek ez du dimititzeko asmorik, BBVAk Sabadell erosteko ahaleginak porrot egin arren
BBVAko presidenteak azaldu duenez, administrazio kontseiluak hartu ditu erabaki guztiak, eskaintza aurkeztearena barne.