Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Eusko Jaurlaritzako Elikadura, Landa Garapen, Nekazaritza eta Arrantza Saila Euskadiko Angulero Elkarteko ordezkariekin bildu da ostiral honetan, angularen arrantza aldi baterako eteteko erabakiaren berri emateko, azken txosten zientifikoetan oinarrituta.
Jaurlaritzatik jakinarazi dutenez, bi txostenetan eta hainbat erakunderen ebazpenetan oinarrituta hartu dute erabakia.
Batetik, Espainiako Estatuak udaberrian Europako Batzordeari aurkeztu zion Angularen Kudeaketa Planaren ebaluazio osteko azken txostenaren ondorioak daude.
Bertan nabarmendu dutenez, angularen ihes eta errekrutatze helburuak urrun daude oraindik Europako Kontseiluaren 2007ko Araudian ezarritako xedetik, eta ibaietako angula kopurua 1960ko eta 1970eko hamarkadetan bizi zirenen % 7 baino ez da.
Egoerari aurre egiteko hainbat neurri aplikatu dira orain arte, hala nola arrantza jarduera mugatzea edo habitataren kalitatea eta ibai konektibitatea hobetzea, baina neurri horiek ez dute lortu espeziearen egoera larriari buelta ematea eta, beraz, izakinak muga biologiko seguruetatik kanpo jarraitzen du.
Bestalde, Arartekoak ebazpen bat eman zuen ekainaren 4an, angularen populazioa berreskuratzeko neurrietara egokitzen den arrantza arautzea gomendatuz. Arartekoak nabarmendu zuen neurri arautzaile horiek irizpen tekniko eta zientifikoetan oinarritu eta Euskal Autonomia Erkidegoko (EAE) Angularen Kudeaketa Planaren esparrura egokitu behar direla.
Norabide berean doaz AZTIren txostenaren emaitzak. Europar Batzordeari aholkua ematen dion Itsasoa Esploratzeko Nazioarteko Kontseiluko Angularen Lantaldearen bileran aurkeztuko den txostenean azpimarratu du ez dagoela espeziea errekuperatzen ari dela esateko zantzurik.
Bada, ondorio horiek guztiak kontuan izanda, Eusko Jaurlaritzako Elikadura, Landa Garapen, Nekazaritza eta Arrantza Sailak angularen 2025-26ko kanpaina bertan behera uztearen alde egin du.
Itsasoa Esploratzeko Nazioarteko Kontseiluaren txostena jaso bezain pronto, lan-mahaia eratuko da azaroan 2010eko Angularen Kudeaketa Plana berritzeko. Gipuzkoako Aldundiak eta Bizkaikoak parte hartuko dute lan-mahaian, baita AZTIko eta EHUko zientzialariek, Euskadiko Angulero Elkarteak eta ekologista taldeen ordezkari batek ere, espeziearen kontserbazio egoera hobetzeko eta arrantza berreskuratzeko neurri berriak hartzeko.
Eusko Jaurlaritzako Elikadura, Landa Garapen, Nekazaritza eta Arrantza Sailak lanean jarraituko du espeziea berreskuratzeko eta horren eta ingurunearen garapen jasangarria sustatzeko. 2024-25 kanpainan, espezie horretako 198,44 kilo harrapatu ziren guztira, horretarako baimena duten arrantzaleen arabera.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.