Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Eusko Jaurlaritzako Elikadura, Landa Garapen, Nekazaritza eta Arrantza Saila Euskadiko Angulero Elkarteko ordezkariekin bildu da ostiral honetan, angularen arrantza aldi baterako eteteko erabakiaren berri emateko, azken txosten zientifikoetan oinarrituta.
Jaurlaritzatik jakinarazi dutenez, bi txostenetan eta hainbat erakunderen ebazpenetan oinarrituta hartu dute erabakia.
Batetik, Espainiako Estatuak udaberrian Europako Batzordeari aurkeztu zion Angularen Kudeaketa Planaren ebaluazio osteko azken txostenaren ondorioak daude.
Bertan nabarmendu dutenez, angularen ihes eta errekrutatze helburuak urrun daude oraindik Europako Kontseiluaren 2007ko Araudian ezarritako xedetik, eta ibaietako angula kopurua 1960ko eta 1970eko hamarkadetan bizi zirenen % 7 baino ez da.
Egoerari aurre egiteko hainbat neurri aplikatu dira orain arte, hala nola arrantza jarduera mugatzea edo habitataren kalitatea eta ibai konektibitatea hobetzea, baina neurri horiek ez dute lortu espeziearen egoera larriari buelta ematea eta, beraz, izakinak muga biologiko seguruetatik kanpo jarraitzen du.
Bestalde, Arartekoak ebazpen bat eman zuen ekainaren 4an, angularen populazioa berreskuratzeko neurrietara egokitzen den arrantza arautzea gomendatuz. Arartekoak nabarmendu zuen neurri arautzaile horiek irizpen tekniko eta zientifikoetan oinarritu eta Euskal Autonomia Erkidegoko (EAE) Angularen Kudeaketa Planaren esparrura egokitu behar direla.
Norabide berean doaz AZTIren txostenaren emaitzak. Europar Batzordeari aholkua ematen dion Itsasoa Esploratzeko Nazioarteko Kontseiluko Angularen Lantaldearen bileran aurkeztuko den txostenean azpimarratu du ez dagoela espeziea errekuperatzen ari dela esateko zantzurik.
Bada, ondorio horiek guztiak kontuan izanda, Eusko Jaurlaritzako Elikadura, Landa Garapen, Nekazaritza eta Arrantza Sailak angularen 2025-26ko kanpaina bertan behera uztearen alde egin du.
Itsasoa Esploratzeko Nazioarteko Kontseiluaren txostena jaso bezain pronto, lan-mahaia eratuko da azaroan 2010eko Angularen Kudeaketa Plana berritzeko. Gipuzkoako Aldundiak eta Bizkaikoak parte hartuko dute lan-mahaian, baita AZTIko eta EHUko zientzialariek, Euskadiko Angulero Elkarteak eta ekologista taldeen ordezkari batek ere, espeziearen kontserbazio egoera hobetzeko eta arrantza berreskuratzeko neurri berriak hartzeko.
Eusko Jaurlaritzako Elikadura, Landa Garapen, Nekazaritza eta Arrantza Sailak lanean jarraituko du espeziea berreskuratzeko eta horren eta ingurunearen garapen jasangarria sustatzeko. 2024-25 kanpainan, espezie horretako 198,44 kilo harrapatu ziren guztira, horretarako baimena duten arrantzaleen arabera.
Zure interesekoa izan daiteke
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".
Tabernak eta ile-apaindegiak dira Euskadiko zerbitzu ugarienak
EAEko Ekipamendu eta Zerbitzuen Inbentarioaren arabera, "Osasuna" taldea izan da azken urtean gehien hazi dena, 324 establezimendu gehiagorekin.
Espainiako Gobernuak 236.032 milioi euroko gastu muga izango du 2027an, inoizko handiena
Halaber, defizit muga, zorraren muga eta gastu araua ere onartu ditu. Horiek dira, hain zuzen ere, gastu mugarekin batera 2027ko aurrekontu proiektua osatzeko oinarriak.
ELAk eta LABek greba eguna deitu dute uztailaren 15erako Hego Euskal Herriko supermerkatuetan, estatalizazioaren aurka
Euskadiko eta Nafarroako elikadura-sektoreko greba bat etorriko da negoziazio mahaiaren bilerarekin. ELAren eta LABen ustez, "une erabakigarria" da, eta mobilizazioaren helburua "negoziazio kolektibo propioa eta lan-baldintzak hemen erabakitzeko eskubidea" defendatzea dela adierazi dute.
Hainbat etxebizitza jabetzan dituzten errentatzaileek maizterrek baino ia lau aldiz errenta handiagoa dute
Kontsumo Ministerioaren arabera, gazteen ondare-desberdintasuna etxebizitza bat erosteko zailtasunaren ondorioa da batez ere, belaunaldi-faktore bat baino gehiago.