Gasteizko lorezainek akordioa berretsi dute eta amaiera emango diote 6 hilabete baino gehiagoko grebari
% 25eko soldata-igoera lineala, urteko lanaldia murriztea, erretiro partziala hartu ahal izatea eta baimenak hobetzea lortu dute akordioari esker.
Gasteizko lorategiak eta berdeguneak mantentzeko Udalak azpikontratatutako Enviser enprsako langileek berretsi egin dute astearte honetan, atzo enpresa-batzordeak eta zuzendaritzak lortu zuten aurreakordioa. Beraz, sei hilabete baino gehiagoko grebari amaiera eman ahal izango diote.
Langileek arratsaldean egindako bi batzarretan hartu dute erabakia. Batzar bat LAB eta ESK sindikatuek deitu dute eta bestea ELAk. Bi kasuetan langileek gehiengoz babestu dute aurreakordioa. Guztira, aldeko 46 boto eta kontrako 8 izan dira. Akordioa asteazken honetan berretsiko da Precon.
Akordioak aurrerapen nabarmenak ditu. Alde batetik, 5.000 euroko soldata-igoera linealak jasotzen ditu hitzarmena indarrean egongo den aldirako (2025-2028), hau da, % 25 inguru igoko da.
Gainera, LAB sindikatuak ohar batean azaldu duenez, urteko lanaldia 108 ordu murriztea, txanda-kontratuari lotutako erretiro partziala hartzea, lizentziak eta baimenak hobetzea eta ogitartekoaren denbora luzatzea ere adostu dute.
Sindikatuak pozik agertu dira lortutako akordioarekin, eta langileak zoriondu dituzte hilabete horietako mobilizazioengatik.
Martxoaren 26an hasi zuten greba Enviserreko langileek. Hitzarmen propioa eskatu eta une horretara arteko lan-baldintzak salatzen zituzten. Izan ere, lanbide arteko gutxieneko soldata ozta-ozta gainditzen duen Estatuko lorezaintzako hitzarmenaren menpe zeuden.
Ekainaren erdialdera, Eusko Jaurlaritzak gutxieneko zerbitzu batzuk agindu zituen, enpresak eta Udalak eskatuta, "gizartearentzako funtsezko zerbitzuen mantentzea bermatzeko".
Grebak hainbat eremutan izan du eragina, hala nola, udal igerilekuetako berdeguneetan eta hainbat jaietan, besteak beste, Araba Euskarazen eta Olarizuko erromerian.
Zure interesekoa izan daiteke
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.
Europako Inbertsio Bankuak 1700 milioirekin finantzatuko ditu Burgos-Gasteiz abiadura handiko trenbideko lanak
Adifen eta EIBren arabera, finantzaketa horrek bultzada "berri eta garrantzitsua" emango dio Iberiar Penintsula Europako gainerako lurraldeekin lotuko duen trenbide bidezko konexioari.
Langile bat larri zauritu da Azpeitian, eraikuntza lanetan ari zela altueratik erorita
Lan-istripua 11:45 aldera gertatu da, Iñaki Azpiazu kalean, eta 44 urteko langilea Donostia Ospitalera eraman dute.
Jaurlaritzak etxejabeentzako aseguru publiko ezartzea bat bultzatu du, erreferentziazko prezioen indizearen araberako alokairuak sustatzeko
Itxaso sailburuak azaldu duenez, Aloka+ programa berriaren bitartez "etxebizitza alokairu-merkatura ateratzeko zalantzak dituzten jabeei segurtasuna eman nahi zaie". Izan ere, aseguru publiko eta doakoa bermatuko zaie etxejabeei, maizterrek ordaintzen ez dutenerako eta kalte materialei aurre egin ahal izateko.
Hil egin da Igantzin traktorearekin istripua izan eta larri zauritu zen gizona
Ezbeharra atzo gertatu zen, 14:08 aldera, Bordako soroan. Gizona traktore txiki batekin ari zen lanean, istripua izan zuen eta ibilgailuak harrapatu egin zuen. Ezbeharraren ondorioz, beharginak zauri larriak zituen.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.
Euskal taxilariek Bilbo erdigunea kolapsatu dute VTCen "inpunitatea" salatzeko
Kolektiboak hiru orduko lanuzteak egin ditu eta manifestazioa ere egin dute Bilboko kaleetan, Udaletxearen aurrean amaituta. VTC zerbitzuen "lehia bidegabea" salatu dute.