Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Juan Ignacio Perez Iglesias Zientzia, Unibertsitate eta Berrikuntza sailburua, gaur, Eusko Legebiltzarrean. EITB
Eusko Jaurlaritzako sailburuak beren sailetako aurrekontuak Eusko Legebiltzarrean aurkezten ari diren honetan, gaurkoan Juan Ignacio Perez Iglesias Zientzia, Unibertsitate eta Berrikuntza sailburuaren txanda izan da. Jaurlaritzak EHUrekiko duen konpromisoa erabatekoa dela nabarmendu du Perez Iglesiasek, eta horren erakusle da, bere esanetan, 2026an EHUri egingo dion ekarpen arrunta 339 milioi eurokoa izango dela (aurten baino % 6,9 handiagoa).
Perez Iglesiasek gaur goizean aurkeztu du, Eusko Legebiltzarreko Ogasun Batzordean, Eusko Jaurlaritzaren 2026rako Zientzia, Unibertsitate eta Berrikuntza Sailaren aurrekontu-proiektua, 653,3 milioi eurokoa, aurtengoa baino % 6,6 handiagoa.
Sailburuak azaldu duenez, aurkeztutako aurrekontu-proiektuak agerian uzten du Eusko Jaurlaritzak unibertsitatea, zientzia eta berrikuntzarekiko duen konpromisoa.
Pasa den astean, Joxerramon Bengoetxea EHUko errektoreak salatu zuen Jaurlaritzak aurkeztutako aurrekontu-proiektuak EHU paralisira eramango duela. Horren aurrean, koalizio gobernuak unibertsitate publikoa indartzeko egindako ahalegina defendatu du Perez Iglesiasek.
Zientzia, Unibertsitate eta Berrikuntza Sailak 495,2 milioi bideratuko ditu unibertsitate sistemara eta goi mailako beste hezkuntza zentroetara (Musikene, GOI, IMH, etab.), 151,6 milioi, ikerketa eta berrikuntzara, eta 6,3 milioi, beste alor batzuetara.
Inoizko kopuru handiena EHUri
Guztira, Jaurlaritzak 426 milioi euroko ekarpena egingo dio EHUri datorren urtean. Zenbateko horren banaketa honela egingo da: ohiko ekarpena (339 milioi), kontratu programa (42,7 milioi), irakasleen ordainsari osagarriak (19 milioi) eta Azpiegituren Urte Anitzerako Programa (25 milioi).
Perez Iglesiasen arabera, ohiko ekarpenari dagokion zenbatekoa inoizko handiena da, aurtengoarekin alderatuta % 6,9 igo baita (2024tik 2025era % 5,2 handitu zen). Are gehiago, zehaztu du kontzeptu horri dagokionez azken 20 urteetako igoerarik handiena dela.
Imanol Pradales lehendakariak Perez Iglesiasen hitzak berretsi ditu.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.