Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Azken EITB Datak hainbat titular utzi ditu, azken urteetan EAEn, Nafarroan eta Espainiako Estatuan eraiki diren etxeibizitzen ezaugarrien berri zehatza izateko aukera ematen digutenak.
Etxebizitza librea
Euskadik ez du "nota ona" atera azken hamarkadan etxebizitza libreak eraikitzeko atazan. EAEn, batez beste, urtean, 3.112 etxebizitza libre eraiki ziren 2014 eta 2024 artean, 90eko hamarkadan eraikitakoak baino gutxiago.
Hala, 2022tik 2024ra bitarteko datueri erreparatuta, Euskadik 2.977 etxebizitza berri libre amaitu zituen urtero, 1991tik izandako daturik txarrena. Epe horretan, Nafarroak hobetu egin ditu 2009tik lortutako urteko batez besteko balioak, baina ez da maximora iristen, ezta 90eko hamarkadan izandako datuetara ere. Eta Espainiak hobetu egin du 2014. urteko datua, baina oso urrun ditu oraindik 2013. urtera arteko balioak.
Etxebizitza babestua
Etxebizitza babestuak ere ez du orekatzen etxebizitza librearen eraikuntzaren beherakada.
90eko hamarkadan eraiki zen babespeko etxebizitza gutxien, eta 2001-2008 eta 2009-2013 urteen artean egin zuen gora. Baina azken hamarkadan, etxebizitza babestu berriak eraiki ziren, bai Euskadin, bai Nafarroan, baita Espainiako Estatuan ere.
Azken bi urteetako datuari begiratuko diogu (2022-2024): Euskadik aurreko zortzi urteetako emaitzak hobetu ditu, urtean 1.481 etxebizitza babestu berri egin baititu. Nafarroak ez du hobekuntzarik izan, eta beheranzko joera du, 322 etxebizitza babestu egin baititu urtean, batez beste. Eta Espainiak datuak hobetu ditu, baina 2013 baino lehenagoko balioetatik oso urrun jarraitzen du.
Zenbat dira etxebizitza babestuak?
Euskadin, 90eko hamarkadan, etxebizitza babestu berrien ehunekoa % 17ra iristen zen, baina azken hamarkadan datu horrek gora egin du, % 30era arte. Eta, azken bi urteetan, urtean amaitutako etxebizitza berri guztien % 33ra iristen da.
Nafarroan, azken hamarkadan, amaitutako etxebizitza berrien % 25 babestuak izan ziren, baina azken bi urteetan, datu hori % 14raino jaitsi da. Espainian are baxuagoa da: 2022 eta 2024 bitartean amaitutako etxebizitza berrien % 12 ziren babesekoak.
10etik 9, ohiko etxebizitza
Euskal Autonomia Erkidegoan, hamar etxebizitzatik bakarra da "ohikoa ez den" etxea, oporretakoa, alokatzeko etxebizitza edo bizilagunik gabeko etxebizitza.
Ehuneko hori askoz handiagoa da Nafarroan: % 21,5 oporretarako etxebizitzak dira, aldi baterako erabilerakoak, alokairukoak edo bizilagunik gabekoak, eta Espainian, berriz, datua % 28,6ra iristen da.
Etxeak, gero eta txikiagoak
Azken urteotan erosi ditugun etxebizitzen batez besteko dimentsioa nabarmen jaitsi da Euskadin. 2007an, etxebizitzak 95,8 metro koadrokoak ziren, batez beste. Orain, aldiz, batez besteko tamaina 77,5 metro koadroraino murriztu da.
Nafarroan ere lehen baino txikiagoak dira: 2007an, etxeak 120.8 metro koadrokoak ziren, eta orain, aldiz, 95,1 metro karratuko etxeak dira.
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.