Pradalesek adierazi du Eusko Jaurlaritza lanean ari dela lau enpresa-proiektu Euskadira erakartzeko
Lehendakariak adierazi du "etengabeko aldaketa-aro" bat bizi dela maila globalean, "inoiz ezagutu ez den ezegonkortasun batera" garamatzana, eta uste du erantzuna "nork bere gaitasunak aktibatzea, erritmo handiagoa ezartzea eta indarrak batzea" dela. Gainera, "atzerriko inbertsioa" erakartzearen alde egin du.
Imanol Pradales lehendakariak gaur adierazi duenez, lanean ari dira lau enpresa-proiektu Euskadira erakartzeko, elikadura-industriari, energia-bilketari, ekonomia zirkularrari eta automobilgintzari lotutakoak. Era berean, ziurtatu du ezin dela ezer zihurtzat jo, euskal testuinguru sozio-ekonomikoa "positiboa" den arren, eta badela zer hobetua; horregatik "aurre hartu eta arriskatu" behar dela esan du.
Pradalesek astearte honetan Bilbon El Correo egunkariak eta Banco Santanderrek antolatutako Aurreikuspen Ekonomikoen Foroan egin ditu adierazpenok.
Bere esanetan, "etengabeko aldaketa-aro" bat bizi da maila globalean, "inoiz ezagutu ez den ezegonkortasun batera garamatzana", eta uste du erantzuna "nork bere gaitasunak aktibatzea, erritmo handiagoa ezartzea eta indarrak batzea" dela. Gainera, "atzerriko inbertsioa" erakartzearen alde egin du.
Berriki onartu duten Euskadi 2030 Industria Planak helburu "anbiziotsua" duela azpimarratu du, euskal enpresen ehuna babestea "bai kanpoko shocken aurrean, bai barne-lehiakortasun arazoen aurrean ere".
Pradalesek azpimarratu duenez, Eusko Jaurlaritzak, historikoki, beti izan du ekonomian ikuspegi publiko-pribatu batetik "esku hartzeko" joera, "inoiz ez inposiziotik", eta orain "aukera lehio hori probesten" ari direla esan du.
Gogorarazi du 2028ra bitartean 3.900 milioi euro publiko aktibatzeko konpromisoa hartua dutela, eta "bazkideak" behar dituztela "bidaia hori elkarrekin egiteko". Are, azpimarratu du "herri-proiektuei ez ezik, kanpoan dauden aukerei" ere begiratu behar dietela. "Atzerriko inbertsioa erakartzeaz asko ari gara hizketan", ziurtatu du.
(Informazioa osatzeko lanean ari gara)
Zure interesekoa izan daiteke
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.