Nola eskatu behar ditut orain langabezia- eta familia-prestazioak? Hau da aldatuko dena
Aurten, herritarrek SEPEra jotzen jarraitu beharko dute prestazioa eskatzeko, eta Lanbidera enplegua bilatzeko. 2027ko urtarrilaren 1etik aurrera, baina, 'leihatila bakarra' izango da Lanbiden.
Eusko Jaurlaritzak langabezia dirulaguntzak eta ordaindutakoaren araberakoak ez diren familia prestazioak kudeatuko ditu 2027ko urtarrilaren 1etik aurrera, eskola-aseguruaz gain, ostiral goiz honetan Espainiako Gobernuarekin akordioa sinatu ondoren.
Zer aldatzen da ordutik aurrera?
Leihatila bakarra
Euskadik Lanbide bidez kudeatu ahal izango ditu bai langabeziagatiko babes ekonomikoa, bai eta enplegu-politika aktiboak ere, biak ala biak leihatila bakar batean, izapideak sinplifikatzeko, bikoiztasunak desagertzeko eta langabeentzako arreta hobetzeko helburuarekin.
"Enplegu-politiken gure sistema propioa dugu, SEPErekin bulegoak partekatzen dituena. Gaur egun, leku berean egonik ere, laguntza eskatzeko orduan, leihatilaz aldatu beharra dago. Aurrerantzean, baina, leihatila bakarrean egingo dira tramite guztiak.
468 plaza publiko gehituta, SEPEren 30 bulegoak Lanbideren bulego bihurtuko dira, eta lurralde bulegoak transferituko dira. Eskualdaketa horrek 55 000 laguni egingo die mesede.
Gizarte Segurantzaren kotizazio gabeko familia-prestazioei dagokienez, Euskadiren kudeaketa 2027ko urtarrilaren 1etik aurrera egongo da indarrean, eta aukera emango du laguntza horiek modu integralean izapidetzeko, aitortzeko, kontrolatzeko eta ordaintzeko, hurbiltasuna, administrazio-bizkortasuna eta herritarrekiko arreta hobetuz, betiere, EAEko gainerako gizarte-politikekin koordinatuta.
Euskadik laguntza eraginkorragoa eman ahal izango die 20.000 onuradun ingururi, bereziki desgaitasunekin, jaiotzekin edo adopzioarrekin lotutako prestazioen kasuan. Kasu horretan, lau plaza publiko transferituko dira, eta urtean 100 milioi euro inguru kudeatuko ditu Euskadik.
Zure interesekoa izan daiteke
India, aukera ugariko herrialdea euskal makina-erremintarentzat
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.
Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita
Mobile World Congress kongresuak, konektibitateari lotutako teknologiari buruzko munduko hitzordu nagusiak, 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte 100.000 bisitari baino gehiago biltzea espero da eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.