Mercadonak banaketaren sektorearen gailurrean jarraitu du 2025ean, % 30eko kuotarekin
Kontsumo handiko merkataritza elektronikoan (elikagaiak eta higienea) lehen postua Amazonek du, % 36,6ko kuotarekin. EAEko saltoki handien eta elikadura kate handien salmentak % 0,9 hazi ziren 2025ean, aurreko urtearekin alderatuta.
Mercadona supermerkatu bat. Europa Press-en artxiboko argazkia.
Estatuan erosketa-saskiaren gastua ia % 6 handitu zen 2025ean, eta Mercadona izan da, beste behin, supermerkatuen sailkapeneko buru, ia % 30eko merkatu-kuotarekin.
Iaz erosketa-saskian gastatutako hiru eurotik bat enpresa horrek irabazi zuen, NIQen (Nielsen) 'Espainiako Kontsumo Handiaren Merkatua' ikerketaren datuen arabera.
Bigarren postuan Carrefour dago, % 7,2ko kuotarekin, eta Lidlek hirugarrenean jarraitzen du, % 6,2rekin.
DIAk hazten jarraitzen du eta laugarren tokian dago, eta bosgarren tokian kokatu da Eroski, % 4,3ko kuotarekin.
Ondoren datoz Consum, Alcampo, Aldi eta El Corte Inglés.
NIQek tokian tokiko supermerkatuen gorakada nabarmendu du, merkatu kuotaren % 25 hartzen baitute horiek, kontsumo handiko produktuak (elikadura eta higienea) erosten gastatutako lau eurotik bat, beraz.
Era berean, nabarmentzen du hurbileko eta komenentziazko establezimenduetan erosteko joera handitzen ari dela, hipermerkatuen kaltetan.
Online salmentek gora egin dute
Txostenak e-commerceak gora egin duela erakutsi du; izan ere, denda fisikoek erosketarako gune nagusia izaten jarraitzen duten arren, online salmenten kopurua hirukoiztu egin da, zehazki % 17,7 hazi da, eta supermerkatu txikietakoa % 9,1, eta handietakoa % 7,6 hazi da. Erosteko modu horren gorakadari erreparatuta, maiztasuna ere aztertu beharra dago, % 8ko hazkundea izan du eta.
Kontsumo handiko (elikagaiak eta higienea) online merkataritzan lehen postua Amazonek du, % 36,6ko kuotarekin; ondoren Mercadona dator, ia % 10ekin, eta Glovo, Shein eta Temu erraldoien aurretik.
EAEko zifrak
EAEko saltoki handien eta elikadura kate handien salmentak % 0,9 hazi ziren 2025ean, aurreko urtearekin alderatuta (% 1,5 Bizkaian, % 0,3 Gipuzkoan, eta beste horrenbeste Araban), eta sektore horretan enplegua % 1,1 hazi zen.
Salmenten kopuruaren hazkundea % 0,7koa izan zen elikaduran, eta halako bi, % 1,4, gainerako produktuetan, Eustat Euskal Estatistika Erakundeak asteazken honetan jakitera eman duenez.
Urteko azken hileko salmenten urtearteko bilakaera positiboa izan zen, bai elikagaietan (% 2,7), bai gainerako produktuetan ere (% 2,6).
Abenduan % 3,3 igo ziren Bizkaian urtearteko terminoetan, % 2,2 Gipuzkoan eta % 0,9 Araban.
Zure interesekoa izan daiteke
Etxeko langileek bat egingo dute astearteko grebarekin, beren lan-baldintzak hobetzearen alde
Greba eskubidea bermatuta ez duten arren, etxeko langileen kolektiboek bat egingo dute astearteko mobilizazioekin. Grebarekin bat datozela adierazteko, besoko laranja bat eramango dute egun horretan, lanean dauden bitartean.
Greba mugagabea hasiko dute igande honetan Amurrioko Tubos Reunidos lantegian
Gaueko txandan hasiko da greba (22:00etan), baina aldez aurretik lau orduko lanuztea deituta dagoenez; benetan, 18:00etatik aurrera hasiko dira lanuzteak.
Medikuek bigarren greba astea hasiko dute bihar, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.
ELAren arabera, Trapagarango Tubos Reunidoseko delegatuek "jada ez dute sindikatua ordezkatzen"
Amurrioko eta Trapagarango lantegietan ordezkaritza duten sindikatuek erreakzio ezberdinak izan dituzte enplegu-erregulazoko espedientea atzera bota ondoren. ELA eta LAB langileekin harro agertu dira, eta borrokan jarraitzen dutela adierazi dute, "enplegua defendatuz". CCOO sindikatuaren hitzetan, "ziurgabetasuna" zabaldu da, eta UGTren esanetan, berriz, euren delegatuek "era kontsekuentean" jokatu dute.
Tubos Reunidosek esan du enplegu-erregulazioko espedientea ezarri behar duela, eta etorkizuna zalantzaz beteta dagoela
Enpresako zuzendaritzak aukera guztiak aztertuko ditu, eta datozen egunotan jakinaraziko die bere erabakia negoziazio batzordeari eta lan agintaritzari. Ez da baztertzen enpresak hartzekodunen konkurtsoa eskatzea.
Martxoaren 17ko greba orokorra "arrakastatsua" izatea aurreikusten dute sindikatu deitzaileek
ELA, LAB, Steilas, Hiru eta Etxalde sindikatuek adierazi dutenez, grebaren aldeko atxikimendua "oso zabala" izaten ari da eta dagoeneko 1.750 enpresatako lan batzordeek eta ehunka gizarte eragilek egin dute bat 24 orduko lanuztearekin.
Akordiorik gabe amaitu dute Tubos Reunidoseko lan-erregulazioko espedientearen negoziazioa
Kontsulten epea akordiorik gabe amaitu ostean, Tubos Reunidoseko zuzendaritzak esan du iragarritako 301 kaleratzeak gauzatuko dituela Amurrioko eta Trapagarango lantegietan.
Tubos Reunidoseko langileek elkarretaratzea egin dute Bilbon, enplegu-erregulazioaren gaineko azken bilera egiten ari zirenean
Tubos Reunidoseko langileek elkarretaratzea egin dute Bilboko Euskalduna Jauregiaren atarian, enpresa batzordeko ordezkariak eta zuzendaritza lan-erregulazioko espedientea negoziatzeko kontsulta-epearen azken bilera egiten ari ziren bitartean.