Vital Fundazioak 10 milioirekin bat egin du Ayesa Digital erosteko euskal partzuergoarekin
Operazioak garai bateko Ibermaticaren erabakigunea Euskadira itzultzea indartzen du, eta Araban enplegu kualifikatua sortzea aurreikusten du.
Vital Fundazioa Ayesa Digital erosi duen euskal partzuergoan sartu da, hamar milioi euro inbertituz. Inbertsio taldea Kutxabankek, BBK Fundazioak, Eusko Jaurlaritzak eta Tekneik osatzen dute.
Joan den abenduaren 31n, partzuergoak Ayesa Digital erosi zuen, 480 milioi euroren truke. Eragiketa horren bidez, Ibermatica euskal enpresa teknologikoa Euskadira itzultzea ahalbidetu dute, Ayesak 2013an erosi ostean. Transakzioa datozen hilabeteetan ixtea aurreikusten da, agintari eskudunen baimena lortzen denean.
Vital Fundazioaren patronatuak orain onartu du partzuergoan sartzea, hamar milioi euroko ekarpenarekin. Inbertsio horren ondorioz, Araban zerbitzu digitalen mugikortasun eta logistika adimenduneko hub bat sortuko da, adimen artifiziala, datuak eta zibersegurtasuna jorratzeko.
Gainera, Junior University of Ayesa zentroak Arabara eramango du bere egoitza nagusia. Prestakuntza-zentro horrek 500 ikasle ditu urtean, eta lurraldean ezartzeak 30-50 lanpostu sortzea ekarriko du, erakundeak zehaztu duenez.
Inbertsioari esker, Ayesa Digitalek dagoeneko Araban dituen 400 lanpostuak finkatu ahal izango dira, eta datozen lau urteetan goi-mailako kualifikazioko 350 profesional sartzea aurreikusten da. Horrek soluzio digitalen sektorea indartuko du, eta Arabako teknologia-arloko hogeita hamar bat mikroETEri aukerak irekiko dizkie.
Jon Urresti Vital Fundazioaren presidenteak azpimarratu duenez, erakundeak Arabara erabakiguneak erakartzearen aldeko apustua egin du, enplegua sendotu eta areagotzeko eta hazten ari diren sektore estrategikoetan hazteko aukerak zabaltzeko berme gisa. Era berean, adierazi du Fundazioak Aiaraldea duela jomugan gaur egun, eta Ayesan parte hartzeak kuadrilla horretan inbertsioaren ordainetako batzuk kokatzea bilatuko duela.
Partzuergoaren eragiketaren helburua da konpainia Europako zerbitzu digitalen hornitzaile nagusietako bat izatea.
Zure interesekoa izan daiteke
Konpainia elektrikoen bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako Errege-Dekretu berriaren arabera, elektromendekoei eta zaurgarriei ezingo zaie argindarra eten ordaintzen ez badute ere, eta kontratuak eteteak ez dute, oro har, zigorrik izango. Halaber, zigorrak aurreikusten dira konpainientzat, arauak hausten dituztenerako.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtzesko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorraren berregituratzea beharrezkoa da", Bengoetxearen aburuz
Euskadi Irratiko "Faktoria"" irratsaioan eskainitako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politikarako sailburuak adierazi duenez, zorraren berregituratze horretan Jaurlaritza "bidelagun" izango da.
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, erabakitzeko enpresak iragarritako 301 kaleratzeei nola egin aurre.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzaingaien % 59k gainditu dute psikoteknikoa baremazioa aldatu ondoren
Zupiria sailburuak adierazi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.