Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
"Nahikoa da" aldarri hartuta, Donostiako kaleak hartu dituzte sendagileek gaur, estatutu propio bat aldarrikatzeko. Euripean, baina ozen egin dute. Osasun sistemako gainerako profesionalentzako neurriak alde batera utzirik, euren lanbidearen berezitasunak aintzat hartuko dituen estatutua eskatu dituzte.
Donostiako Boulevardean hasi dute protesta, "Euskadi, mediku estatutu propio baten alde" leloa zuen pankarta lagun eta Euskadiko Mediku Sindikatuak deituta.
Donostia Ospitaleko anestesista batek, Elena del Valek, egin ditu bozeramaile lanak, eta ziurtatu du grebak "deserosoak" direla eurentzat. "Ez gaude honetarako prest, gure pazienteei laguntzea da gure lana, baina ez dugu beste aukerarik", esan du.
Izan ere, iragan urtarrilaren 26an SATSE-FSES, CCOO, UGT eta CSIF sindikatuek Espainiako Osasun Ministerioarekin adostutako lan erreforma gaitzesten dute.
Besteak beste, exijitzen dute gehienez 35 orduko lan-asteak izatea, eta astegunetan goizeko txandan lan egitea. Hortik gorako ordu guztiak lanalditik kanpoko orduak izatea ere eskatu dute.
Del Valek azpimarratu du 24 orduko guardiak desagertzea nahi dutela. Horrekin lotuta, ukatu egin du Osasun ministro Monica Garciak esandakoa, alegia, guardiak 17 ordura jaitsiko dituztela.
Soldatak ere izan ditu hizpide, medikuen ordainsaria txikiegia dela iritzita. "Gazteak Espainiako Estatutik kanpo ari dira lana bilatzen", erantsi du.
Espainiako Estatuko medikuak grebara deituta daude aste honetan, Espainiako Osasun Ministerioak bultzatutako estatutu markoaren aurka egiteko. Hainbat sindikaturen oniritzia du estatutu marko horrek, baina medikuek uste dute testu propio bat merezi dutela, euren berezitasunak eta erantzukizunak aitortuko dituena.
Lanuzteak astelehenetik ostiralera egingo dira, Medikuen Sindikatuen Espainiako Konfederazioak (CESM), Andaluziako Medikuen Sindikatuak (SMA), Kataluniako Medikuek (MC), Madrilgo Medikuen eta Goi Mailako Tituludunen Elkarteak (AMYTS), Euskadiko Medikuen Sindikatuak (SME) eta Galiziako Mediku Independenteen Sindikatuak (O'MEGA) osatutako greba-batzordeak iragarri zuenez.
Erakunde horien lehen jarduera koordinatua da. Luze daramate haserre estatutu markoa hartzen ari zen norabidearekin, Osasun Sistema Nazionaleko profesionalen lan-baldintzak arautzen dituen arauarekin; azken hiru urteetan Osasun Ministerioa eta negoziazio eremuko sindikatuak negoziatzen aritu izan dira horretan.
Urtarrilaren 26an, Osasun Ministerioak eta SATSE-FSES, FSS-CCOO, UGT eta CSIF sindikatuek iragarri zuten akordioa lortu zutela estatutu markoaren lege-aurreproiektuaren testua onartzeko, eta, orain, Ministroen Kontseilutik pasatu ostean, Parlamentuan izapidetzen jarraitu beharko dutela.
Hala ere, Medikuen Greba Batzordeak ez zuen onartu akordioa, kolektiboari buruzko kapitulu espezifiko bat besterik ez duelako jasotzen. Larunbat honetan hasi dituzte mobilizazioak, Madrilen manifestazioa eginda.
Monica Garcia Espainiako Osasun ministroak behin baino gehiagotan errefusatu du medikuentzako arau esklusibo bat egitea, Osasun Sistema Nazionalean "kohesioa hautsi eta aldeak sortuko lituzkeela" iritzita.
Medikuen aste honetako greba batzordeak ekainera arte aurreikusita dituen bostetatik lehena izango da. Hurrengoak martxoaren 16tik 20ra, apirilaren 27tik 30era, maiatzaren 18tik 22ra eta ekainaren 15etik 19ra daude aurreikusita.
Medikuen Sindikatuen Espainiako Konfederazioak zehaztu duenez, EAEn elkarretaratzeak izango dira. Lehenengoa, gaur, 11:00etan, Donostiako Boulevardetik abiatuta.
Zerbitzu minimoak
Osakidetzan lehen arretako mediku bat egongo da gutxienez osasun-etxe bakoitzean, eta bi egongo dira 15.000 herritarretik gora artatzen dituzten zentroetan. Hori horrela, baliteke premiazkoak ez diren ebakuntzak bertan behera geratzea.
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.