Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Euskadik zerua ukitu eta aeronautikaren dream teamean izan nahi du. Horretarako, 110 milioi euroko inbertsio publiko-pribatua egingo du, ITP Aerok gidatuta eta 12 enpresak baino gehiagok parte hartuta —erdiak txikiak eta ertainak—. Inbertsioak 800 lanpostu inguru sortuko ditu, eta Imanol Pradales lehendakariak aurkezpenean azaldu duenez, “Euskadin egindako hegazkintza etorkizunera eramango du”.
Proiektua astelehen honetan aurkeztu du Eusko Jaurlaritzak, lehendakaria buru zela, Zamudioko (Bizkaia) ITP Aeroren egoitzan. Gobernuak azaldu du Industria Euskadi 2030 Planeko lehen industria-eraldaketarako proiektua dela, eta honela izendatu dute: 'Euskadiko abiazio jasangarri eta lehiakorrerako motor aeronautikoko arkitektura berriak'.
Ekimenak 110 milioi eurotik gorako inbertsio publiko-pribatua izango du —horietatik 60 milioi baino gehiago I+Gra eta teknologia garatzera bideratuko dira—, eta 800 lanpostu sortuko ditu —200 zuzenak eta 600 zeharkakoak—.
Lehen proiektu eraldatzaileak “etorkizuneko hegazkigintza izango diren arkitektura berrien garapena eta industrializazioa" du helburu, lehendakariak azaldu duenez.
“Xedea da Euskadin egindako hegazkintza etorkizunera eramatea, eta, horrela, Europako autonomia estrategikoari ekarpena egitea”, gaineratu du Pradalesek.
Zure interesekoa izan daiteke
Lanaldiei lotuta Euskadin egindako jarduketen % 60an irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20 191 jarduera egin zituen iaz. Horietan 1862 arau-hauste antzeman ziren — 10,4 milioi euro —, eta 26 959 kontratu berrikusi; horietatik 1788 kontratu mugagabe eta lanaldi osokoak bihurtu ziren.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.
Sidenor auziko epaileak "kriminalitate zantzu argiak" ikusi ditu
Enpresak Basaurin duen lantegiaren miaketarekin batera, Jainagaren eta merkataritza arloko hainbat langileren telefonoak eta posta elektronikoak kontrolatzeko baimena eman zuen epaileak, altzairuaren eroslea Israelgo arma fabrikatzaile bat zela bazekitela iritzita.