Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak. Hain zuzen ere, lanaldiekin, aparteko orduekin eta orduak erregistratzeko beharrarekin zuten zerikusia irregulartasun horiek. Portzentajea ez da asko aldatu aurreko urteekin alderatuta.
Laneko orduekin lotuta 2025ean egindako 1.490 jarduketetan, 417 arau-hauste detektatu zituen, eta 401 eskaera egin ziren antzemandako irregulartasunak konpon zitezen.
Datu horiek guztiak Mikel Torres lehendakariorde eta Ekonomia, Lan eta Enplegu sailburuak, Elena Perez Laneko sailburuordeak eta Iciar Gonzalez Euskal Autonomia Erkidegoko Lan Ikuskaritzako zuzendariordeak aurkeztu dituzte gaur, Bilbon.
Emandako datu horien arabera, guztira, 20.191 jarduketa egin zituen iaz Lan Ikuskaritzak, eta horietan 1.862 arau-hauste aurkitu zituen —10,4 milioi euro—. Gainera, 26.959 kontratu berrikusi zituen; horietatik 1.788 kontratu mugagabe edo lanaldi osoko kontratu bihurtu ziren.
"Enplegu txukunak"
Enpleguaren markak hautsi diren honetan, Torres sailburuak adierazi du kalitatean sakontzeko ordua dela orain: "Enplegu txukunak, seguruak eta legera egokituak", adierazi du.
Irregulartasunak ikusi diren arren, nabarmendu du antzemandako iruzurrek enpresen ehuneko oso txiki bati eragin dietela (% 0,4 eta % 2,3 artean, kasuaren arabera), eta horrek erakusten duela legea "bete egiten" dela.
Lan Ikuskatzailetzaren jarduketei dagokienez, aurreko urteko zifren antzekoak jaso ziren iaz, nahiz eta igo egin diren laneko segurtasunari eta osasunaren arloari lotutako arau-hausteak.
Lan-baldintzak
Lan-harremanen esparruan, Euskadiko Lan Ikuskaritzak 6.974 jarduera egin zituen —egindako guztien % 35—, eta 635 arau-hauste aurkitu eta 1.669 errekerimendu egin zituen.
Atal horretan, lan-ordutegiaren arloan hautemandako irregulartasunak nabarmendu dituzte, baina baita lan baldintzekin lotutakoak ere — 151 arau-hauste detektatu ziren egindako 1.445 kontroletan—.
2026-2028 Plana
Informazio ekitaldi berean, Elena Perez sailburuordeak Euskadiko Lan Ikuskaritzaren 2026-2028 Kudeaketa Plana aurkeztu du. Plan horren arabera, Ikuskaritzan hutsik dauden plaza guztiak beteko dira —83 plazetatik 18, ikuskatzaileak eta ikuskatzaileordeak kontuan hartuta—, eta egitura operatiboa indartuko da.
Zure interesekoa izan daiteke
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.
Sidenor auziko epaileak "kriminalitate zantzu argiak" ikusi ditu
Enpresak Basaurin duen lantegiaren miaketarekin batera, Jainagaren eta merkataritza arloko hainbat langileren telefonoak eta posta elektronikoak kontrolatzeko baimena eman zuen epaileak, altzairuaren eroslea Israelgo arma fabrikatzaile bat zela bazekitela iritzita.