Angulariek ohartarazi dute jarduera debekatzeak legez kanpoko arrantza areagotzea ekarriko duela
Euskadiko Angularien Elkarteak Eusko Legebiltzarrean salatu duenez, angula-arrantza profesionala bertan behera uzteak ondorio kaltegarriak izan ditzake, arrantzaleek ibaien zaindari gisa jarduten dutelako eta isurketak, espezie inbaditzaileak edo legez kanpoko harrapaketak detektatzen laguntzen dutelako.
Euskadiko Angularien Elkarteak (EAU) ohartarazi duenez, profesionalek angulak harrapatzeko debekuak legez kanpoko arrantza areagotzea eragin dezake; izan ere, azaldu dutenez, haiek zaintzen dute ibaien egoera.
Unai Eizaguirre elkarteko presidenteak adierazi duenez, arrantzaleak "ibaien begiak" dira, eta haien presentziak isurketak, espezie inbaditzaileak edo legez kanpoko jarduerak detektatzeko aukera ematen du. Hori dela eta, merkatu beltzean praktikak berriz ere ugarituko diren beldur dira. Atzo Polizia operazio batean 27 kilo angula bizirik atzeman ostean egin dituzte adierazpenak.
Eizaguirrek eta Jose Ignacio Bedoya bozeramaileak agerraldia egin dute Eusko Legebiltzarrean, Eusko Jaurlaritzak 2025-2026 kanpainan angula-arrantza bertan behera uztea erabaki ondoren sektoreak bizi duen egoera "larria" azaltzeko.
Kolektiboaren ordezkariek kritikatu egin dute debekua Euskadin bakarrik aplikatzea, eta ez Kantabrian eta Asturiasen, eta salatu dute Jaurlaritzak ez duela intentsitate berarekin jardun espeziearen biziraupenari eragiten dioten beste faktore batzuetan.
Ildo horretan, enpresa handiek ibaietara egindako isurketak, azpiegitura hidroelektrikoak (horien turbinek, ziurtatu dutenez, "aingirak errukirik gabe birrintzen dituzte") eta espezie inbaditzaileen gaineko kontrol falta aipatu dituzte.
Halaber, azaldu dute ez dutela Eusko Jaurlaritzarekin elkarrizketarik eizan, eta sektoreak urteak daramatzala harrapaketa-muga handien pean. Bedoyak esan du hori "itogarria" dela profesionalentzat.
Eusko Jaurlaritzari sektoreari entzuteko eskatu dio Elkarteko presidenteak, eta Arrantza Sailarekin eta aldundiekin aste honetan egitekoa den bileran parte hartzeko prest agertu da, angularen kudeaketa-plan berri batean aurrera egiteko. Gainera, bilera horretan industriako eta trantsizio ekologikoko arduradunek ere parte hartzeko eskatu du, elektrizitatearen eta isurketak egiten dituzten enpresen erantzukizunari aurre egiteko.
Zure interesekoa izan daiteke
Tubos Reunidos Amurrioko lantegian greba mugagabea deitu dute martxoaren 16tik aurrera
Lanuztea martxoaren 15eko gaueko txandan hasiko da ofizialki (22:00etan), baina egun horretarako lau orduko lanuztea ere bazegoen deituta aurreko deialdi batean. Hala, igande arratsaldeko 18:00etatik aurrera geldituko litzateke planta.
Osakidetzak ekainean egingo ditu 2023-2025 lan-eskaintza publiko bateratuko lehen azterketak
Eusko Jaurlaritzak martxoan zehar argitaratuko ditu deialdiaren bederatzi kategorien oinarri espezifikoak; guztira, 5.425 plaza daude, horietatik 2.160 berriak dira.
Ekialde Hurbileko gatazkak piztutako ziurgabetasunaren aurrean nola jokatu aztertzeko bilduko da gaur Industria Defendatzeko taldea
Zamudioko Parke Teknologikoan egingo dute bilera, eta bertan izango dira Eusko Jaurlaritzaren ordezkariak, enpresak, klusterrak eta hainbat eragile. Energiaren prezioen gorakadak euskal industrian izan dezakeen eragina aztertzea eta neurriak lehenbailehen hartzea izango dute helburu.
Mercedesen VLE berria Gasteizen fabrikatuko dute
Mercedes Benzek monobolumen VLE ibilgailu berria aurkeztu du astearte honetan Stuttgarten (Alemania). Erabat elektrikoa da, eta Gasteizko lantegian egingo dute.
Bizkaia Crowdlending: Bizkaiko enpresa txikiek diru iturri gehiago izan dezaten finantzaketa sistema berria
Bizkaiko enpresa txikiek diru iturri gehiago izan dezaten finantzaketa sistema berri bat jarri dute martxan Foru Aldundiak eta Elkargik. Herritarrek aukera izango dute enpresa txikiak arriskurik gabe finantzatzeko. Izan ere, ekarpenek Elkargiren berme osoa izango dute.
Brentaren prezioa 90 dolarretik jaitsi da agintariek Irango Gerrari buruz egindako adierazpenen ondotik
Bezperan, petrolio upela 120 dolarrera iritsi zen, baina Trumpek Irango gerra "ia amaituta" zegoela esan ostean, prezioek beheranzko bideari ekin zioten eta 86 dolarren bueltan geratu da. Gas naturalaren eta elektrizitatearen merkatuak ere lasaitzen ari dira; gasa ia % 9 jaitsi da eta elektrizitatearen prezioa % 24 murriztuko da asteazkenean.
Aurreakordioa lortu dute eskola jangeletako negoziazioan, eta greba deialdia bertan behera geratu da
LABek jakinarazi duenez, "lan, soldata eta gizarte arloko hobekuntza garrantzitsuak" jasotzen ditu akordioak, eta "lorpen historikoa" da. Bere aldetik, ELAk aurreratu du ez duela sinatuko ituna, "langileek eskatutako gutxienekoak betetzen ez dituelako".
Erregaien prezioen igoera gainbegiratzen ari da Espainiako Gobernua, arau-hausterik izan den argitzeko
Facua kontsumitzaileen elkarteak salatu du Irango gerra baliatzen ari direla gasolindegiak, prezioak puzteko. Jokabide "espekulatibo" horren aurrean, esku hartzeko eskatu dio Espainiako Gobernuari.
Imanol Pradales, Hithium enpresari buruz: "Nafarroarako ona dena gure herrirako ona da"
Pradales lehendakariak publikoki zoriondu ditu Maria Chivite presidentea eta Irujo sailburua, nahiz eta aitortu Eusko Jaurlaritzak ere lan handia egin duela Hithiumen proiektua Euskadira erakartzeko. Nafarroa aukeratzea "oso albiste ona" dela esan du, eta gogorarazi du "Europako beste edozein tokitan" lur har zezakeela.