Nafarroako adinekoen egoitzetako lehen lan-hitzarmena sinatu dute sindikatuek eta patronalak
Bost urte baino gehiago negoziatzen eman ondoren, gaur izenpetu dute hitzarmena sindikatuek eta patronalak. 5.000 langileri baino gehiagori eragingo die itunak.
Mari Carmen Maeztu sailburua sindikatuetako eta patronaleko ordezkariekin, hitzarmena sinatu ondoren. Argazkia: Europa Press
Nafarroako adinekoen egoitzetako langileek lan-hitzarmen kolektiboa izango dute aurreneko aldiz. UGT, LAB eta CCOO sindikatuek gaur izenpetu dute ituna LARES eta ANEA patronalekin, eta zahar-etxeetako eta eguneko zentroetako 5.000 langileri baino gehiagori eragingo die.
ELAk ez du babestu akordioa, uste baitu ez duela bermatzen langileek erosahalmena ez galtzea. Sindikatu horren hitzetan, soldata igoerak urteko KPI indizearen araberakoak izatea eskatu dute, baina gainerako zentralek ez dute irizpide hori hitzarmenean sartzearen alde egin.
Agiri banatan, sinatzaileek azaldu dute langileen borrokaren eta sindikatuen lanaren emaitza izan dela hitzarmena, bost urte baino gehiago iraun duten negoziazioen ondoren. Esan dutenez, lau urteko iraupena izango du, eta tarte horretarako langileen baldintzak hobetzea adostu dute patronalarekin.
Besteak beste, lehendabiziko urtean, maila baxueneko kategorietan % 22rainoko soldata igoerak izango dira, eta % 12koa, gainerako urteetan. Modu horretan, 1.425 euroko gutxieneko soldata bermatuko da.
Lan-orduak ere murriztuko dira, pixkanaka. 2026ko lanaldia urtean 1.720 ordukoa izango da, eta 2030erako 71 orduko murrizketa izango da.
Sinatzaileak, gustura
UGT sindikatuak nabarmendu du langileen borrokaren emaitza dela sektoreko lehen hitzarmen hori. Langileen baldintzak duinagoak izango diren arren, borrokan segitzea ezinbestekoa dela esan dute, zaintzaren alorra hobetzen jarraitzeko.
Bere aldetik, CCOOk Nafarroako Gobernuari eskatu dio eskura duen guztia egiteko zaintzaren sektorea ez dadin hainbat enpresaren aberasbide izan.
Bestalde, LABek langileek azken urteotan egindako borrokan jarri du azpimarra. Estatuko hitzarmenak alde batera utzi, eta Foru Erkidegoan bertan ituna erdiestea garaipentzat jo du sindikatu abertzaleak.
Zure interesekoa izan daiteke
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.
2.000 pertsonak baino gehiagok eman dute izena Osakidetzaren Bizi programan, suizidioa prebenitzeko
Osasun Sailak ekimen berriak jarri ditu martxan Euskadin suizidioaren aurrean, hala nola familiei eta irakasleei zuzendutako online prestakuntza bat, alerta-seinaleak garaiz detektatzeko. Suizidio-saiakera berrien jarraipen-protokoloak, berriz, 4.000 pertsona inguru artatu ditu jada.
Osakidetzako sindikatuek bost greba egun deitu dituzte urritik abendura bitartean
Osakidetzako langile guztientzako lan-baldintza hobeak aldarrikatuko dituzte. Urriaren 30ean eta abenduaren 14an greba egitera daude deituta Osakidetzako langile guztiak, abenduaren 9an Arabakoak, abenduaren 10ean Bizkaikoak eta abenduaren 11n, berriz, Gipuzkoakoak.