Galduta zeuden Gabonetako Loteriaren 400 dezimo itzuli dituzte Bilbon
Entrega jaso duen elkarteak azaldu duenez, kalean aurkitu ostean, pertsona batek sobre baten barruan 8.000 euroko balioa duten 400 dezimo loteria itzuli ditu gaur.
"Bilbo Historikoa" elkarteak San Frantzizko kalean duen lokal batean entregatu dituzte dezimo hauek. Elkarte honek Bizkaiko hiriburuko auzoak dinamizatzea helburu duen ekintzak antolatzen ditu.
Bertako kideek azaldu dutenez marokoar jatorriko gazte bat izan da dezimoak itzuli dituena. 10:30 aldera lokalean agertu eta sobre bat entregatu die bertan zeudenei, eta horren ostean izenik eman gabe joan da.
Behin gertatutakoaz ohartuta, elkarteko kideak gazte hori aurkitzen saiatu dira, baina ez dute beraien helburua lortu.
Horrez gain, aurkitutako dezimo horien jatorriaz konturatu ostean, San Frantzizko Xabier enparantzan dagoen loteria administraziora deitu dute, eta bertan dezimoak galdu dituen bezeroa Bilbo Historikoa elkarteko egoitzatik pasako dela jakinarazi diete.
"Hunkituta"
Bilbo Historikoa elkarteko Ana Reka koordinatzaileak azaldu du asko "hunkitu" diela gertakari honek, eta orain billeteen jabea noiz pasatuko den zain daudela.
Oraindik ez dakite loteria billeteak itzuli dituen gaztearen nortasuna, baina jabeak berreskuratu arte "leku seguru" batean gorde dituztela gaineratu du.
Albiste gehiago gizartea
Carla Emazabel Amunarrizek izan du aurten kutxa eramateko ohorea eta amets bikoitza bete du: berea eta aitonarena
Duela 30 urte, Carlaren aitonak ez zekien bilobarik izango zuenik ere, baina zilarrezko ezteietan Sevillara joan zenean, erakusleiho batean mantoia ikusi, erosi eta gordeta izan du ordutik. Inork ez zekien zeukanik, eta gaur Carlak ohore handiz jantzi du. Hura soinean, 40 buelta eman dizkio 20 kiloko kutxari, bere aitak itsasoan daramatzan urteak hainbeste.
Donibane Lohizuneko klinika pribatuak zerbitzu publikoko larrialdi zerbitzua eskaintzen jarraituko du
Azken urteetan itxita egon dira maiz larrialdi zerbitzuaren ateak, bereziki gauez, dirua eta langileak falta direla eta. Herri Berri udal oposizio taldeak deituta, herritarrek mobilizazioei ekin zieten urte hasieran, zerbitzu "iraunkor eta eraginkorra" defendatzeko.
Espainiako Poliziako komisario bat atxilotu dute Nafarroan, haren menpeko lankide bati sexu-erasoa egitea leporatuta
Epailearen esku geratu ondoren, baldintzapean aske utzi dute. Urruntze agindua ezarri diote, eta ezingo da biktimarekin komunikatu. Arma baimena ere kendu diote polizia komisarioari.
Goizeko arazoak eta ilarak konponduta, lasaitasuna nagusi euskal errepideetan
Goizean, AP-8an hiru kilometrorainoko auto-ilarak sortu dira Biriatun. Halaber, AP-1erako sarbidea itxi behar izan dute, A-1 errepidean, Armiñonen, hiru autok istripua izan ondoren, baina eguerdirako ireki dute.
Milaka pertsonak gozatu dute Aixerrotako paellen jaian
Getxoko Nazioarteko Paella Lehiaketaren 70. edizioak milaka pertsona bildu ditu beste behin Aixerrotan, 1956ko uztailaren 25ean hasi zen festa ospatzeko. Zaporeak elkarteak kanpaina bat abiarazi du, kuadrillek arroz kiloak eman ditzaten, Greziako Lesbos uharteko errefuxiatuen kanpalekura bidaltzeko.
Marmokak iritsi dira Ondarreta, Kontxa, Barinatxe eta Lagako hondartzetara
Marmoken presentziaz ohartarazteko bandera berezia jarri dute Gipuzkoako eta Bizkaiko hondartza horietan, baina sorosleek soilik pertsona bat artatu dute. Topatu dituzten marmokak txanpon baten neurrikoak dira, eta horien ziztadak ia ez du minik eragiten.
RESAC-OFF: Adimen artifizialeko teknologia berria hondartzetan itotzeak prebenitzeko
Tekniker zentro teknologikoak denbora errealean bainulariak automatikoki detektatzeko sistema bat garatu du, adimen artifizialean oinarritua. Gailuak gune horretan dauden erresaka korronte aktiboak eta bainulariak identifikatzen ditu, jarraian sorosleei arriskuaz ohartarazteko.
Juana Rivasek bere seme txikia aitari entregatu dio
Lehen saiakerak sortu zuen zalaparta mediatikoaren ondoren, oraingoan pribatutasun handiagoz egin da.
1,3 milioi eurorekin saritua Bilboko bizilagun bat
Ostegun honetako Primitivako zozketak irabazle bakarra utzi du Zorrotza auzoan, Bilbon.
Blusa eta Neskaren Eguna, Gasteizko jaien atarian
Tradizio den bezala, uztailaren 25ean kuadrilla gasteiztarrak kalera irten dira gaur, Done Jakue egunean euren jaia ospatzeko.