Urdangarinek errugabetasuna eta 'garbi' jokatu izana aldarrikatu du
Iñaki Urdangarinek "errugabea" dela eta Noos Institutuaren burua zenean "gardentasun osoz" jokatu zuela aldarrikatu du Jose Castro epailearen aurrean. Urdangarinen hitzetan, berak ez zuen zerikusirik Palma Arena ustelkeria kasuko erakundeetako kudeaketa eta kontabilitatearekin.
Palmako dukearen deklarazioari igande goizean helduko diote berriro, larunbatean zortzi ordu eta erdi Jose Castroren galderei erantzunez igaro ostean. Castro epailea izan da, hain zuzen, galdeketa zuzendu duena.
Torresekin aurrez aurre?
Castro epaileak aurreratutakoaren arabera, Iñaki Urdangarin berriro ere deklaratzera deituko du asteburuko saioa amaitu ondoren.
Baliteke deklarazio hori froga berrien agerpenak behartzea, edota Diego Torres Nooseko kide ohiak deklaratzeko borondatea agertzea, eta Legeari jarraituta, biek aurrez aurre deklaratu behar izana, bien deklarazioak kontrajarriak izanez gero.
Iritsiera, oinez
Urdangarin oinez iritsi da Palmako epaitegira, bai goizean goizeko saiora, bai bazkalosteko etenaren ondorengora, nahiz eta epaileak autoan sartzeko baimena izan "segurtasuna bermatzeko".
Hedabideei adierazpenak
Iñaki Urdangarin 9:00etan iritsi da epaitegietara eta bere zain zeuden kazetariei zuzendu zaie. Palmako dukeak esan du, bere "ohorea" eta "lan-ekintzen zintzotasuna" babestera zetorrela.
Noosen kudeaketan erantzukizuna ukatu du
Deklarazioa luzea izan da, lau ordu eta erdi goizean, eta lau ordu arratsaldean, bazkaltzeko eten labur baten ondoren. Epaileari emandako erantzunetan, Urdangarinek Noos Institutuaren eta Diego Torresekin zituen beste enpresen kudeaketan erantzukizunik eduki izana ukatu du.
Galdera guztiak erantzun ditu
Epaitegietako iturrien arabera, Urdangarinek epaileak egindako galdera guztiei erantzun die. Palmako dukeak esan duenez, Noos Institutuko presidentea, Noos Aholkularitza Torresekin erdibana izatea eta Aizoonen jabetza Cristina infantarekin batera izatea da bere erantzukizun bakarra.
Beste enpresekin, zerikusirik ez
Ikertzen ari diren gainontzeko enpresei dagokienez (Tejeiro abokatu-langela, Virtual Estrategies, Intuit, Shiriaimasu eta De Goes Center for Stakeholder Management), enpresa horien akzioduna eta kudeatzaile izana ukatu du. Gainera, bere hitzetan, ez zuen inoiz enpresa horien jardueren berri izan.
Erregearen eskaera onartu zuen
Palmako dukeak azaldu duenez, Jose Manuel Romero abokatu eta erregearen etxeko kanpo-aholkulariak egindako eskaera aintzat hartu zuen Romerok Administrazio Publikoekin kontratuak egitea eskatu zionean. Aintzat hartu zuen, baita ere, Arete Fundazioaren presidentetza uzteko eskaera.
Governekin negoziazioak ukatu ditu
Bestalde, Balear Irletako Governak eta Noos Aholkularitzak Illes Balears txirrindulari taldearen jarraipena egiteko negoziazioetan parte hartu izana ukatu du. Proiektu horri buruz Marivent Jauregian jolastutako padel partida batean aritu omen ziren.
Kautelazko neurriak
Galdeketa amaitzen denean, eta hori igande gauean izan liteke, Manos Limpias sindikatuak Palmako dukearen aurkako kautelazko neurriak hartzea eskatuko duela iragarri du. Manos Limpias herri-akusazio lanetan ari da Palma Arena auzian.
Horrela jarraitu dugu, zuzenean, eitb.comen, Iñaki Urdangarinen galdeketa.
Zure interesekoa izan daiteke
Ia Nafarroa osoa alertapean egongo da ekaitzengatik; EAE eta Iparralde, abisu horian
Arratsaldean bero hodeiak garatuko dira eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".