Osasunean baino, Defentsan murriztea proposatu du Bengoak
Rafael Bengoa Eusko Jaurlaritzako Osasun sailburuak adierazi du nahiago duela murrizketak Defentsan egitea osasungintzan baino, eta zerbitzua hobetzeko alternatibak badaudela aldarrikatu du.
Erkidegoetako Osasun kontseilariek eta Ministerioak egingo duten bileran sartu baino lehen egin ditu adierazpenok Bengoak.
Sailburuak eskerrak eman dizkie, ironiaz, "Mexikoko [Mariano Rajoy herrialde horretan dago] eta Espainiako hedabideei", Gobernuak sendagaien koordainketa ezartzea proposatuko diela aurreratzeagatik.
Horren ildotik, Bengoak esan du kontseilariek ez dakitela zer proposatuko dien Gobernuak, baina gaineratu du berak beste alternatiba batzuk aurkeztuko dituela koordainketaren aurrean.
Izan ere, sailburuaren esanetan, krisian dagoen herrialde batek "gutxiago gastatu behar du Defentsan, eta ez Osasunean edo Hezkuntzan".
Prestazioei dagokienez, ospitaletik ateratzen diren gaixo "konplexuen" % 30, 30 egunen buruan berriro ingresatu behar izaten dituzte, eta beste modu batean eginez gero, monitorizazioarekin edota beste hainbat neurrirekin, "egun proposatzen ari zaizkiguna baino gehiago aurreztu daiteke".
Halaber, Bengoak azaldu duenez, lehen mailako arreta arloko proben % 15 batean eta bestean errepikatzen direla jakina da eta hor ere gaur proposatuko dutena baino "askoz gehiago" murriztu daiteke.
"Neurri sorta handi bat dago, generikoak edo langileak areagotzearena adibidez, era antolatuan aurkeztu daitekeena", erantsi du Bengoak.
Zure interesekoa izan daiteke
Pertsona bat hil da Guardian izandako istripu batean
Ezbeharra A-124 errepidean gertatu da. Oraindik argitzeke dauden arrazoiak tarteko, Gasteizerako noranzkoan zihoan furgoneta bat errepidetik irten da eta iraulita geratu da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Fiskalak ziurtatu du "hiltzeko asmoarekin" eman zizkiotela labankadak Lukas Agirreri
22 urteko kartzela zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat, eta esan du biktimak ez zeukala defentsa zauririk eskuetan.
Maialenen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.