Euskadik halabeharrez ezarri beharko du sendagaien koordainketa
Eusko Jaurlaritzak ezarri egin beharko du Euskadin Mariano Rajoyren Gobernuak diseinatutako koordainketa sendagaietan. Izan ere, Exekutibo zentralak errege-dekretu bidez onartuko du ostiral honetan eta, beraz, erkidego guztiek halabeharrez bete beharko dute.
Neurri horrekin, herritarrek garestiago ordainduko dituzte sendagaiak, eta pentsiodunek, adibidez, lehen aldiz ordainduko dituzte.
Orain arte, erretirodunek ez zuten ordaintzen sendagaien truke, pentsioa handia edo txikia izan. Erreformarekin, baina, prezioaren % 10 ordainduko dute.
Dena dela, urteko pentsioa 18.000 euro artekoa bada, hilabetean 8 euro ordainduko dituzte gehien jota. Handiagoa bada, muga 18 eurokoa izango da.
Gaixo kronikoentzat ez dute neurri zehatzik adostu. Horrenbestez, 8-18 euroko aipatu muga ezarriko zaie.
Langileei dagokienez, orain arte sendagaien % 40 ordaintzen zuten, baina orain % 10 gehiago ordainduko dute, hau da, prezioaren % 50 orotara, urteko soldata 100.000 euro artekoa bada. Gehiago irabazten badute, % 60 ordainduko dute.
Langabeek ere gehiago ordainduko dute sendagaien truke, baina kasu honetan ezberdindu egingo dute prestazioa dutenen eta ez dutenen artean. Hori horrela, prestazioa jasotzen dutenek langileek bezala ordainduko dute. Berrikuntza prestaziorik ez dutenekin etorri da, ez baitute ezer ordainduko lana topatu arte.
Beste salbuespen bat: kotizazio gabeko pentsioa dutenek ere ez dute ezer ordainduko. Euskadin, 12.000 pertsona daude pentsio mota horrekin.
Sendagaien koordainketa ostiral honetan onartuko du Espainiako Gobernuak, baina hilabete batzuen buruan sartuko da indarrean, zehetasun teknikoak konpondu arte.
HALABEHARREZ BETETZEKOA
Erkidego batzuk, tartean Euskadi, koordainketarekin ados ez badaude ere, denek ezarri beharko dute, nahitaez.
Horren ildotik, Rafael Bengoa Eusko Jaurlaritzako Osasun sailburuak adierazi du neurria ez dela "solidarioa", eta ez dituela konponduko "osasun sistemaren erronka nagusiak".
Ikusteke dago zerk egingo duten Katalunian, aldez aurretik ezarrita baitzeukaten beste koordainketa mota bat. Hain zuzen ere, herritarrek euro bat ordaintzen dute errezeta bakoitzeko.
BESTE NEURRI BATZUK
Atzo, Ana Mato Osasun ministroak iragarri zuem Gobernuak beste neurri batzuk adostu zituela autonomia erkidegoekin, tartean, osasun turismoarekin amaitzeko neurriak. Hau da, "osasun arreta jasotzeko helburuarekin beste herrialde batera joatea" debekatzea onartu dute.
"Artikulu hori (Espainiako Zuzenbidean) jaso gabe dagoenez, Europako herritar askok Espainiara bidaiatzen dute osasun arreta jasotzeko soilik. Osasun arloan europar askok espainiar askok baino eskubide gehiago izateraino", adierazi zuen.
Zehazki, ia 700.000 atzerritarrek osasun txartelerako eskubiderik gabe arreta jaso dute kalkulatu dute eta 917 milioi euroko gastua eragin duela horrek.
Halaber, Osasun ministerioak eta erkidegoek Osasun Zerbitzu Nazionalean amankomuneko zerbitzuen kartera bat ezartzea adostu dute, "espainiar guztiek osasun prestazio berdinak, eta kalitate onenekoak", izan ditzaten.
Zure interesekoa izan daiteke
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.