Lagun bat hil da Eltzaburun gertatu den auto istripu batean

n bat hil da eta beste bat zauritu da goizaldean, Eltzaburun (Nafarroa), gertatu den auto istripu batean. Hildakoa Berriozarreko bizilaguna da, J.M.G.F. 33 urteko gizonezkoa.

Nafarroako Gobernuak jakitera eman duenez, hildakoa autoko gidaria da eta zauritutakoa berekin zihoan laguna, C.B.G. 35 urteko gizonezkoa.

Istripua 04:00ak aldera gertatu da, NA-411 errepidean, A-15 autobidea Ostizekin lotzen duen bidean. Volkswagen Passat ibilgailu batean zihoazen, baina autoa errepidetik atera eta malda batetik behera erori da zuhaitz batzuen aurka talka egin duen arte.