Horrela jarraitu dugu eitb.com-en aita santuaren agurra
20:00. Itxi egin dituzte jauregiko ateak eta Suitzako Guardia erretiratu egin da. Benedikto XVI.ak aita santua izateari utzi dio eta aulkia hutsik dago Eliza Katolikoan.
18:52. Laster itxiko dituzte jauregiko ateak. Jarraitzaileak zain dira.
18:51. Gaua heldu da Erromara, eta hirian zain dira. Benedikto XVI. ak laster utziko du ministerioa.
18:33. Aurrerantzean zuriz janzten jarraituko du Benedikto XVI.ak, baina ez du aita santuek eraman ohi duten amantal gorria jantziko. Halaber, ohiko zapata gorriak kendu eta Mexikon oparitutako marroi batzuk jantziko ditu.
18:10. 20:00etan, ministerioari uko egingo dio, eta aita santu emeritu izango da.
17:58. ''20:00etatik ez naiz Eliza Katolikoaren Pontifizea izango. Bidearen azken etapa hasi duen erromesa baino ez naiz'', esan du Benedikto XVI.ak, balkoitik.
17:37. Balkoira atera da eta bertatik jendea agurtu du. Bere aginteko azken ekitaldi publikoa izan da. Aita Santua: ''Aurrera egingo dugu Jainkoa lagun dugula, Elizaren eta munduaren onerako''.
17:27. Helikopteroak lur hartu du eta Aita Santua autoan doa bere bizitoki berrira.
17:22. Helikopteroa aireratu denean Erromako kanpai guztiek jo dute
17:15. Jarraitzaileen maitasuna eta gertutasuna eskertu ditu Benedikto XVI.ak bere azken txioan.
17:07. Helikopteroa aireratu da.
17:05. Helikopteroan da Benedikto XVI.a, Castel Gandolforako bidean.
17:00. Vatikanoa utzi du jada Benedikto XVI.a aita santuak, eta autoan doa, helikopterorantz.
16:56. Benedikto XVI.ak ingurukoak agurtu ditu, eta Vatikanotik irteten ari da, txalo artean.
16:50. Vatikanoa uztear da jada Aita Santua.
16:40. Hasi dira aita santu berriarentzat hiru sotana berri josten: neurri handiko bat, neurri ertaineko bat eta neurri txiko beste bat.
16:00. Ordubete barru, Benedikto XVI.ak Castel Gandolforako bidea egingo du, helikopteroz. 17:30ean, plazan bildutako jarraitzaileak agurtuko ditu.
15:30. Benedikto XVI.ak ohiko Habemus Papam (Badugu Aita Santua) iragarpenaren bidez jakingo du bere ondorengoaren berri.
12:05. Clementina aretoan agurtu ditu aita santuak kardinalak. Guztira ehun bat kardinal bertaratu dira Vatikanoan, eta Benedikto XVI.aren hitzak entzun ostean, kardinalek banan banan agurtu dute aita santua.
11:54. Benedikto XVI.ak "orkestra bat" izateko deia egin die kardinalei, "aniztasunak armonia adostua" sor dezan.
11:42. "Zuen artean dago aita santu berria, baldintzarik gabeko errespetua eta obedientzia hitz ematen diot. Otoitz egiten jarraituko du, egunotan bereziki", adierazi du Benedikto XVI.ak.
11:34. Benedikto XVI.ak esan du "baldintzarik gabe" obedituko diola hurrengo aita santuari. Kardinalei agur esateko ekitaldian, aurrerantzean bat eginda lan egiteko deia egin die kardinalei.
11:20. Eliza Katolikoaren kardinalek "esker ona" agertu diote Benedikto XVI.ari zortzi urteko aitasantutzan egindako lanagatik, eta emandako "ereduagatik".
11:00. Benedikto XVI.a, Vatikanoan emango duen azken egunean, kardinalei agur esateko ekitaldian parte hartzen ari da. Aita santu berria aukeratzeko konklabean parte hartuko duten kardinalak bildu dira Erroman.
Gaur iluntzean, 20:00etan hain zuzen ere, bukatu egingo da Benedikto XVI.aren aitasantutza. Aita santua izateari utziko dio, aita santu emeritu izateko.
Une horretan, Aulki Hutsa deritzon aldia hasiko da, hau da, aita santu batek zereginari uko egiten dionetik edo hil egiten den unetik ondorengoa aukeratu arte igarotzen den epea.
Arrantzalearen Eraztuna ez dute guztiz suntsituko, "indargabetu" egingo dute, marra edo gurutze bat eginez, Federico Lombardi Vatikanoaren bozeramaileak azaldu duenez. Benedikto XVI.aren apartamentua gaur bertan itxiko dute.
Gainera, aita santuak Twitterren duen profila, @Pontifex, itxi egingo dute, ondorengoa aukeratu arte.
Zuzenbide kanonikoaren arabera, hurrengo aita santua aukeratzeko konklabea Aulki Hutsa hasi eta 15-20 egunera hasi behar da, baina Benedikto XVI.ak motu propio bat publikatu du, kardinalei konklabea aurreratzeko baimena emateko.
Benedikto XVI.ak 17:00etan utziko du Vatikanoa, helikopteroz, Castel Gandolforako bidean. Bertan bi hilabete emango ditu, eta ondoren Mater Ecclesiae klausurako monasteriora joango da, Vatikanora.
Zure interesekoa izan daiteke
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.
Donostiako Piraten Abordatzearen unerik onenak
Ehunka gaztek osatu dute piraten abordatzea, Donostiako portutik Kontxako hondartzaraino. Ontzi batzuk uretara sartu eta berehala hondoratu dira, baina beste batzuk jai giroan iritsi dira helmugara, eta, tradizioak dioen bezala, ez dira falta izan bandera piratak eta baimendutako 'ontzien lapurreta'.
Gasteizko alkateak barkamena eskatu dio Zeledoni, Andre Maria Zuriaren balantzean politika eta jaiak nahastu izana kritikatu ostean
Akats bati egotzi dizkio bere hitzak, eta babesa adierazi dio Iñaki Kerejazuri, baita 1976ko martxoaren 3ko biktimei ere.
Bizkaitar bat atxilotu dute Donemiliaga Kukulan hainbat neskaren ustezko jazarlea izatea egotzita
Lau salaketa jarri dira haren aurka, eta beste lau ere aurkeztea espero da, egun batzuk lehenago izandako antzeko gertakariengatik.
ONCEk eta Jaurlaritzak LightSound gailua aurkeztu dute, ikusmen-urritasuna duten pertsonek eklipsea 'entzun' ahal izateko
Gailu iraultzailea da, itsuek edo ikusmen-arazoak dituztenek fenomeno astronomikoa esperimentatu dezaten. LightSound du izena, eta eguzki-argiaren intentsitatea denbora errealeko soinu bihurtzen duen aparatua da.
Eklipsea ikusteko planik gabe? Adi ekitaldi historiko honetaz gozatzeko proposamen hauei
Aukera zabala dugu Euskal Herrian: itsasotik, mahasti batetik edo gure gailurretatik nahiz gidatutako behaketa batean teleskopioz, besteak beste, ikusi dezakegu abuztuak 12ko eklipsea.
Gasteizko tranbia ez da erdigunetik ibiliko irailera arte
Alaba Jeneralaren eta Independentzia kaleen urbanizazio-obrek eragin dute mozketa; bertan, besteak beste, zoladura homogeneoa jarriko da, bideen zati bat berriztuko da eta hainbat konponketa egingo dira.
Eguzki-eklipse osoen inguruko lau sekretu txundigarri
Ba al zenekien Antzinako Grezian eklipseek iragartzen zuten mekanismo bat zutela? Eta eklipseek iraungitze-data dutela? Eklipseen inguruko bitxikerietako batzuk bildu ditugu hemen.