Hezkuntzari buruz erabaki ahal izatea eskatu dute euskal hiriburuetan
3.000 lagunetik gora izan dira LOMCE Hezkuntza Kalitatea Hobetzeko Lege Organikoaren aurreproiektuari gaitzespena erakusteko larunbat honetan Bilbon izandako manifestazioan. ELA, LAB eta Stee-Eilas sindikatuek deituta, Gasteizen, Donostian eta Iruñean ere hainbat martxa izan dira.
Inolako adierazle sindikalik gabe, antolatzaileek iragarri zutenez, familia anitz seme-alabekin izan dira Bizkaiko hiriburuko martxan.
Parte-hartzaileek Wert ministroak proposatutako legea "atzera botatzeko" eta Euskadiko eta Nafarroako ikastetxeetan ez ezartzeko eskatu dute.Maribi Ugarteburu eta Rebeka Ubera EH Bilduko legebiltzarkideak izan dira bertan.
Manifestazioa 17:30ean hasi da, Jesusen Bihotza plazatik abiatuta. "Euskal Herrian geure hizkuntza" lelopean, Bilboko kale nagusietatik igaro dira, eta Arriaga Antzokiko Plazan amaitu dute martxa.
Xabier Irastorza ELAko ordezkariak komunikabideen aurrean esan duenez, manifestazioa "hezkuntza erkidegoaren lehendabiziko urratsa da". Gaurko martxa LOMCEren "aurka dago erabat".
Gauzak horrela, aurreproiektua bertan behera uzteko eta Nafarroako eta Euskadiko "ikastetxeetan ez inposatzeko" eskatuko du. Halaber, azken urteetan izandako "murrizketa larriak" salatu ditu. "LOMCEk lege izaera ematen die murrizketei", azpimarratu du Irastorzak.
Halaber, Arantza Fernandez Stee-Eilaseko ordezkariak esan duenez, "arazo nahiko ditu jada hezkuntza-sistemak murrizketa berriak izateko". Horren esanetan, LOMCE hezkuntza-sistemaren aurkako atentatua da, "hezkuntza eskubidea eta aukera berdintasunaren kontra doalako".
Arabako hiriburuan 3.000 bat lagun bildu dira, horietako asko ikasle gazteak, Bilbao Plazatik abiatuta Andra Mari Zuriaren plazaraino, Bilboko lelo bera zuen pankarta baten atzean.
Martxa amaitu ostean, ikasle batek manifestua irakurri du, Werten aurreproiektuari gaitzespena adierazteko, "demokraziaren aurkako erreforma delako, eta ezberdintasunak sustatzen dituelako".
Gipuzkoako hiriburuan izandako manifestazioan, berriz, 1.000 lagun izan dira. Lelo bera izan dute, eta 17:30ak igarota Boulevardetik abiatu da martxa. Igor Izagirre ELAko Zerbitzu Publikoen idazkari nagusia eta Karmele Aierbe Sortuko ordezkaria, besteak beste, izan dira bertan.
Halaber, beste 4.000 lagun inguru bildu dira Iruñeko kaleetan LOMCEri gaitzespena erakusteko. Manifestazioa amaitu ostean, idazki bat irakurri dute, eta Wert ministroaren hezkuntza-erreformaren aurka egin dute "inposatzaile, zentralizatzaile, berdintzaile eta atzerakoia delako".
Albiste gehiago gizartea
Beloradoko moja ohiek Mario Iceta artzapezpikuaren aurka jarritako salaketa artxibatu dute
Erabaki horrek bat egiten du Beloradoko monasterioko moja ohien utzarazpena aldi baterako geldiaraztearekin. Erlijiosoek errekurtsoa jarri duten arren, Artzapezpikutzak eskatu du utzaraztea behin-behinean exekutatzeko, eta gogorarazi du lau kasutan bertan behera geratu dela neurria.
Adituen txosten baten arabera, "gaintentsioaren kateatutako erorikoak" izan ziren itzalaldiaren arrazoia
Elektrizitatea Garraiatzeko Sareen Kudeatzaileen Europako Sareak (Entso-E) apirilaren 28ko gertakariak zerrendatzen dituen txosten bat aurkeztu du. Egun hartan gertatutakoa "erabat berria dela Europan" zehaztu du eta ez du uste energia berriztagarrien ekoizpenak sortu zuenik.
Getariako atun gorriaren haztegian gizendutako lehen aleak portura eraman dituzte
Gezi moduko lantza bat erabili dute atun horien estresa txikitu eta haragia ahalik eta gozoena izan dadin. Atun gorriak portura eraman dituzte, eta bertan pisatu, neurtu eta aztertu dituzte. Orain, proiektua fase berri batean sartuko da.
Dagoeneko 12 familiak jarri dute salaketa Bernedoko kanpalekua dela eta
Sexu-askatasunaren aurkako aurreko lau salaketei beste zortzi gehitu zaizkie orain, EITBk jakin ahal izan duenez. Halaber, ikerketa judiziala hasteko aurretiazko eginbideak ireki dituzte berriki.
70 talde feministak baino gehiagok eta LGTBIQ+ taldeak Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.