Gipuzkoako hondakinen kudeaketatik ikasi beharra dagoela uste du EBk
Janez Potocnik Europar Batasuneko Ingurugiro komisarioak goraipatu egin du Gipuzkoako Aldundiaren hondakinen kudeaketa, eta "adierazgarria, garrantzitsua eta eredugarria" delako, sistema horrengandik ikasi behar dela azpimarratu du.
Gipuzkoako Aldundiak prentsa-agiria bidali du Iñaki Errazkin Ingurugiro diputatuak Bruselako Parlamentuan europarrean "zero zabor filosofia"z emandako hitzaldiaren ostean.
Zaborrik sortzen ez duten tokian tokiko esperientziak kontatzeko tartean hitz egin du Errazkinek. Bertan izan da baita ere Capannoriko (Italia) alkatea, izan ere, 2020rako zaborrik ez sortzeko konpromisoa hartu zuen lehenengo udalerria da.
Gipuzkoako Aldundiak azaldu duenez, Janez Potocnikek argi adierazi du birzikla daitekeena ezin dela ez zabortegira ez errauskailura eraman, eta zabortegiak ixtearen alde agertu da. Era berean, Europar Batasunak hondakinak kudeatzeko jarri zituen lehentasunen artean errauskailua oso urrun dagoela adierazi du.
"Errauskailua ez da hondakinak kudeatzeko tresna onena", azpimarratu du Potocnikek, talde parlamentario ezberdinen aurrean Errazkinek azaldutako eredua goraipatu aurretik.
Errazkinek hitzaldian azaldu duenez, aurreko ereduaren "oinarria" hondakinen errausketa zen, eta 240.000 tona zabor erraustea aurreikusten zuten, baina egun 209.000 tona besterik ez dira sortzen.
Ingurugiro diputatuak aurreko eta egungo ereduak alderatu ditu, eta oraingoa "askoz ere merkeagoa (400 milioi euroko kostua izan beharrean, 186koa)" dela eta "hondakinen % 70 baino gehiago birziklatzea" ekarriko duela aipatu du.
Foru diputatuak Aldundiak jarri dituen helburuak ere azaldu ditu: 2016rako hondakinen % 60 birziklatzea, eta 2020rako % 75a.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP8ko auto-ilarak Orioko zubian, baina errei batek itxita jarraitzen du Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.