'Kanpaina bat dago aita santuaren kontra Argentinako diktaduragatik'
Federico Lombardi Vatikanoko bozeramaileak esan duenez, Argentinako eta, orokorrean, nazioarteko zenbait hedabidek Frantzisko aita santuaren kontra plazaratutako kritikak, Argentinako diktadura dela eta, "Elizaren kontrako muturreko ezkerretik" dator "Elizaren kontra egiteko, eta erabat arbuiatzen ditugu".
"Izena zikintzeko kanpaina bat da, oso ezaguna", ziurtatu du. ''Orain urte asko gertatutako ekintzei egiten die aipamen. Kalumnia eta iraina oinarri dituzten kanpainetan espezializatutako publikazio batek bultzatu du'', azaldu du.
Argentinako diktaduran bahitutako apaiz jesuita batzuei behar adina laguntza eman ez izana leporatzen diote kritika horiek aita santu berriari.
"Kanpaina iraingarria da, dagoeneko oso ezaguna'', gaineratu du. ''Inoiz ez da egon Bergoglioren kontrako salaketa sinesgarririk. Argentinako Justiziak galdeketa egin zion, baina informazioa lortzeko; inoiz ez zioten ezer inputatu'', azaldu du.
Bestalde, Bergogliok ''diktadura garaian pertsonak babesteko lan handia'' egin zuela azpimarratu du Lombardik, eta, Vatikanoko bozeramaileak azaldu duenez, Buenos Aireseko artzapezpiku izendatu zutenean, ''barkamena eskatu zuen, Elizaren izenean, diktadura garaian behar beste ez egiteagatik''.
Kirchner-Bergoglio harremanak
Argentinan, Gotzainen Biltzarreko presidente gisa Nestor Kirchner presidentearekin eta Cristina Fernandez haren ondoregoarekin harreman txarrak izan ditu; izan ere, biek Bergoglio kardinalarekin liskarrak izan dituzte.
Nestor Kirchnerren agintaldian (2003-2007), Argentinako presidenteak eztabaida beroak izan zituen Bergogliorekin. Kardinala oposizioko beste kide bat zela esatera heldu zen Nestor Kirchner. Argentinako komunikabideek harreman "gatazkatsua" bezala definitu dute. Cristinaren Presidentetzarekin harremanak hobetu ziren, baina liskarrak ez ziren erabat desagertu.
2003an Nestor Kirchnerrek hauteskundeak irabazi eta gero, Bergogliok agintari berriaren "exhibizionismoa eta iragarki karrankariak" kritikatu zituen. Bergogliok zuzendutako zenbait ekitaldietara joateari uko egin zion presidenteak, eta Eliza eta Gobernuaren artean harremanik ez zegoela baieztatu zuen Gotzainen Biltzarrak.
Cristina Fernandez boterera heldu zenean, harremanak hobetu ziren, presidente berriak 2009an Vatikanora egindako bidaia prestatzeko Elizarekin hitz egin zuelako. Baina Fernandezen Gobernuak "krispazioa" elikatzen zuela salatu zuen Bergogliok. "Aspalditik Gobernua ez da jendeaz kezkatzen", kritikatu zuen kardinalak.
2010ean Gobernuak homosexualen arteko ezkontzak arautzeko legea onartu zuen, eta harremanak gehiago okertu ziren.
Zure interesekoa izan daiteke
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko "Boulevard" saioan egindako elkarrizketa batean, Rafael Bengoaosasun publikoko adituak uste du hantabirusak sortutako egoera "kontrolpean" dagoela, eta orain garrantzitsuena kasu positiboen jarraipen zuzena egitea dela. Bestalde, adierazi du ez dagoela arrisku globalik, birus horrek infekzio-ahalmen txikia duelako.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.