Urdangarini pasaportea kentzea eskatuko du herri-akusazioak
'Noos auzia'n herri-akusazioa den Manos Limpiasek Iñaki Urdangarin Palmako dukeari pasaportea kentzeko eskatuko dio Jose Castro epaileari, Qatarren eskubaloi talde bat entrenatzeko eskaintza onartzen badu.
Hedabide batzuen arabera, Urdangarinek dagoeneko jakinarazi dio Espainiako erregeari Qatarreko eskubaloi selekzioko teknikari taldean bi urterako lana hartzeko asmoa duela, Valero Rivera entrenatzailearekin batera.
Informazio hori baieztatzen bada, Manos Limpiasek auzi-saioa eskatuko dio Jose Castro epaileari dukeak atzerrira bidaia ez dezan neurriak eskatzeko. Besteak beste, pasaportea kentzea eta Urdangarinek hamabostean behin Auzitegian agerraldiak egitea ere exijituko du Manos Limpiasek.
Saio hori eginez gero, prozesuan nahastutako alde guztiek eman beharko dute badaezpadako neurrien inguruko iritzia.
Urdangarin, Qatarrera
Iñaki Urdangarin Palmako dukea Qaterra joango da, Valero Rivera entrenatzailearekin batera herrialde horretako eskubaloi selekzioan lan egiteko, 2015. urteko Munduko Txapelketa prestatzeko, La Vanguardia egunkariak jakinarazi duenez.
Emaztea, Cristina infanta (inputatu egin zuten joan den astean, Noos auzian), eta seme-alabak Bartzelonan geratuko dira, kazeta horren arabera.
Palmako dukea arrakasta handiko eskubaloi jokalaria izan zen, FC Bartzelona taldean eta Espainiako selekzioan. Aurki joango da Qatarrera, kontratuaren zehaztasunak eta herrialde horretako selekzioan zer-nolako zereginak izango dituen ezagutzeko.
Lan berria lagungarri izango du Urdangarinek bere egoera ekonomikoa hobetzeko. Izan ere, Diego Torres bazkide ohiarekin batera, 8,1 milioi euroko bermea ordaindu behar du.
Juan Carlos I.a Espainiako erregearen suhiak ez du diru-sarrerarik oraingoz, iaz Telefonicarekin zuen kontratua eten baitzuen.
Epaileari "lan egiten uztea" eskatu du BJKNk
Gonzalo Moliner Botere Judizialaren Kontseilu Nagusiaren presidenteak Jose Castro epaileari "lan egiten uztea"k duen garrantzia azpimarratu du, Cristina infanta espainiarra 'Noos auzia'n inputatu eta gero. Hala ere, Castro epaileak ez omen dio erakundeari babesik eskatu bere lanaren independentzia arriskuan ikusteagatik.
"Epaileari lan egiten utzi behar zaiola uste dut", erantzun du Molinerrek auziaz galdetu diotenean. Era berean, Botere Judizialaren Kontseilu Nagusiaren helburu "nagusia Botere Judizialaren independentzia errespetatzea" dela adierazi du. "Utz ditzagun arazook epaileen esku, Zuzenbidean oinarrituta erabakiko dute", gaineratu du.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.