Euskadira etortzen diren turistek 700 € gastatzen dituzte batezbeste
Euskadira datozen turistek 700 euro gastatzen dituzte batezbeste eta lau gau eta erdiko egonaldia egiten dute. "Ibiltur Aisialdia 2012" txostenak jaso ditu datu horiek.
Itziar Epalza Merkataritza eta Turismo sailburuordeak eta Arantza Madariaga Basquetourreko zuzendariak eman dituzte ezagutzera datu hauek. Txostena egiteko 4.642 turistei elkarrizketak egin zaizkie 2012ko maiatza eta 2013ko apirila bitartean.
Euskadira aisialdi arrazoiengatik etortzen direnen gehiengoak "bikaintzat" jotzen du bidaiaren helmuga, tratua eta jasotako arreta eta %98k gomendatuko luke Euskadi. Gastronomia, paisaia, ingurunea eta jendea dira turistek gehien baloratzen dituzten arloak.
Turisten profila
Turisten profila nahiko orekatua da: %43,5 30 eta 50 urte artekoak dira. %48,9 gizonezkoak dira eta %51,1 emakumeak. Gehiengoak erdi edo goi mailako unibertsitate ikasketak ditu eta bostetik bi maila sozioekonomiko aberatsekoa da.
Euskadira datozen turisten %61,7 estatu espainiarrekoak dira, %26,8 Europakoak eta %11,5 mundukoak. Autonomia erkidegoaren arabera, Madrildik eta Kataluniatik etortzen dira turista gehienak.
Euskadi bisitatzeko helburu nagusia, helmuga, oro har, ezagutzea da, batez ere hiriak. Bilbon Guggenehim museoa, Gasteizen hiria osotasunean eta Donostiako txokoak ezagutu nahi izaten dituzte turistek.
Bidairi buruzko informazioa
Bidaia egin aurretik, lau turistatik hiruk Euskadiri buruzko aurretiko informazioa zuten. Euskadiri buruzko informazioa jasotzeko bide nagusia senitartekoak eta lagunak eta Internet dira. Euskadira bidaiatzen duten ia turista gehienek erreserbaren bat egiten dute aurretik. %55,78k internet erabiltzen du horretarako.
Turistek 700 euro gastatzen dituzte batezbeste Euskadin, eta gehien gastatzen dutenak urrutiko herrialdeetaik etortzen direnak eta adinekoak dira. Merkatuen artean Erresuma Batua (938 euro), Europan, eta AEB (1.572 euro) nabarmentzen dira. Estatu espainiarraren barruan, katalanek madrildarrek baino gehiago gastatzen dute.
Zure interesekoa izan daiteke
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.