Zarautz, denboraleak gehien zigortu duen herria
Euskal kostaldeak azken orduetan jasandako denboraleak kalte handiak eragin ditu Zarauzko malekoian. Gipuzkoako herriko hondartzako lau puntu hondoratu egin dira.
Zarauzko Udaletik jakitera eman dutenez, atzoko 13:00etatik gaurko 09:00etara bitartean alarma gorrian izan den denboraleak kalte nabarmenak eragin ditu golf zelaian, hondartzatik gertu.
Martin Garitano Gipuzkoako ahaldun nagusia Zarautzera joan da, astearte honetan, kalteak noraino iritsi diren ikusteko eta Zarauzko Udalarekin lanak koordinatzeko.
Bestalde, Kostako Saileko ingeniariak eta teknikoak bildu egin dira, eta izandako kalteak konponduko dituztela adierazi dute, malekoiko lanak lehenbailehen hasteko prest azalduta.
Oraindik kalteak zehaztasunez zenbatu ez dituzten arren, dirudienez, hondartzatik gertu dauden tabernak eta dendak "nahiko ondo eutsi" diote, eta ez dute kalte handirik izan, beste denboraleekin ez bezala. Barrera moduan jarritako egurrek zerikusi handia eduki ahal izan dute.
Hala eta guztiz ere, malekoiko egitura "ukituta" geratu da, itsasoaren enbataren ondorioz, eta lau puntutan hondoratu da, besteak beste, Karlos Arguiñanoren jatetxearen hondartzarako sarbideko maldan.
Golf zelaiaren gunean, itsasoak bertan zeuden dunak desagertzea eragin zuen otsailaren 2ko denboralean, baina oraingo honetan "zelaiko zati bat ere eraman" du, iturriek azaldu dutenez.
Erakundeen arteko bilera egingo dute asteazken honetan erakundeek Donostian. Ana Oregi Ingurumen sailburuak parte hartuko du bertan. Bilera horretan azken denboraleek Gipuzkoan eragin dituen kalteak aztertuko dituzte. Mahai gainean txosten teknikoak jarri eta egin beharreko lanak lehenetsiko dituzte.
Izagirrek 'okerrena pasatu' dela esan du
Juan Karlos Izagirre Donostiako alkatea pozik azaldu da astearte honetan, bere hitzetan, euskal kostaldea astindu duen olatu denboralearen "okerrena pasatu" delako, eta Gipuzkoako hiriburuan eragindako kalteak espero baino "txikiagoak" izan direla nabarmendu du.
Udaletxean dauden kazetariei egindako adierazpenetan, Izagirrek adierazi du, behin alerta gorria desaktibatuta, goizeko 09:00etan, olatu indartsuek eragindako kalteak ez dutela duela hilabete, otsailaren 2an, izandakoekin "zerikusirik".
Donostiako alkateak azaldu duenez, "unerik zailena" goizeko 06:30ean izan da, itsasgorarekin batera, baina olatuek eragindako kalteak "kostaldeko mugan" izan dira.
Halaber, "Zurriolako kai-muturra konpontzeko obrak" berehala hasteko eskaera egin du, "ekainerako dena prest" izateko asmoz.
Atzo, 11,1 metroko olatuak izan ziren Donostiako buian.
Bermeoko kai-muturra kaltetu du berriz itsasoak
Itsasoaren kolpeek Bermeoko kai-muturra kaltetu dute bi puntutan astearte honetan, eta azken denboralearen ostean jarritako hormigoizko bloke batzuk mugitu ditu, Udaletik jakitera eman dutenez.
Kalte horiek 06:00etako itsasgoraren ondorioz gauzatu dira, bart izandakoez gain. Denboralearen ondorioz, portua itxita mantentzea erabaki dute, Atetxaken gunean.
Errepide bat moztu dute Araban, eurite indartsuengatik
Arabako errepide bat moztu behar izan dute astearte honetan, eurite handiengatik Ulibarri urtegiko maila egonkortzeko.
Ondorio larriak Angelun
Iparraldean, Angelun, izan du eraginik handiena, itsas ekaitzak. Eta, ondorioz, inguruko herri etxeak hondamendi izendatzeko eskaria egin du.
Zure interesekoa izan daiteke
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi duenez, "ikasleen eskubideak defendatzeak ebaluazio-sistemaren inpendendentzia defendatzea dakar".
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Muturreko beroak San Juan suak kolokan jarri ditu, alerta gorria ezarrita dago eta
Momentuz ez dago Eusko Jaurlaritzaren agiri ofizial orokorrik, eta herri bakoitza bere kabuz biltzen eta neurri zehatzak hartzen ari da. Tolosan 19:00etan elkartuko dira suak piztu ala ez erabakitzeko, eta Donostiak baimendutako 17 puntu ofizialak mantenduko ditu.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.