Garoña berriro irekitzeko prozesua ikuskatzeko eskatu diote Bruselari
Garoñako zentral nuklearra berriro irekitzeko prozedura ikuskatzeko eskatu diote Europako Batzordeari zentralaren inguruko hamaika udalerrietako alkateek.
Joan den maiatzean, Nuclenorren Administrazio Kontseiluak Garoña ustiatzeko baimena berritzeko eskaera egin zion Industria Ministerioari. Eskaera onartuz gero, zentrala 2031 arte izango da martxan.
Jose Manuel Soria Industria ministroak adierazi zuenez, Segurtasun Nuklearrerako Kontseiluak urtebete inguru beharko du eskaerari buruzko txostena aurkezteko.
Ministerioaren erantzunari begira zain egon gabe, Garoñako zentralaren inguruan dauden hamaika udalerrietako alkateak mobilizatzen hasi dira eta goizean elkarretaratzea egin dute Arabako Foru Aldundiaren aurrean.
Zentrala berriro abian jartzen baldin badute, euren herriak arriskuan izango direla ohartarazi dute alkateek. Horrenbestez, zentrala "behin betiko" ixtea eskatu dute.
"Ezin gara geldi geratu, Nuclenor eta PP gure herrietako biztanleen etorkizuna negoziatzen ari diren bitartean. Interesek ekonomikoak segurtasunaren gainetik jartzen ari direla salatu behar dugu", azpimarratu dute.
Horrez gain, Garoñako zentralak bere jardunari berriro ekiteko baimena lortzeko prozedura ikuskatzeko eskatu diote Europako Batzordeari. Fukushimako ezbaharraren ostean ezarritako segurtasun neurriak betetzen diren ala ez egiaztatu behar dela erantsi dute.
Javier de Andres Arabako ahaldun nagusiaren jarrera ere kritikatu dute, Arabako herritarren gehiengoak zentrala ixtea eskatu arren, berak ez duelako eskari hori babesten.
"Garoña betiko ixteko garaia iritsi da. Horretarako berme bakarra zentrala ahalik eta azkarren desegitea da", adierazi dute.
Albiste gehiago gizartea
"Mugak Zabalduz" karabana abiatu da Irundik, migranteen errealitatea ikusarazi eta Europako migrazio politikak salatzeko
Irungo Etorbideko zubian omenaldi berezia egin diete Bidasoa gurutzatzen bizia galdu dutenei. Hurrengo geldialdiak Baionan eta Uztaritzen egingo dituzte, eta ondoren Paris, Dunquerke edota Toulouse zeharkatuko dituzte datozen asteetan.
Kataluniak Abiadura Handiko Trenaren zirkulazioa berreskuratu du, abisu laranjaren ondorioz
Renfe iragarri du Kataluniako tren zerbitzua pixkanaka berreskuratuko dela 19:00etatik aurrera, eta jada Madrilekiko konexioa berreskuratu duela.
Zenbait adin txikiko atxilotu dituzte Hondarribian, hainbat ibilgailutan kalteak eragiteagatik
Udalak jakinarazi du kalteak jasan dituzten herritarrek Udaltzaingoaren egoitzara jo dezaketela salaketa jartzera.
Urte osoan zehar santua zaintzeaz eta babesteaz arduratzen da Hornacina kuadrila
Santuaren irudia udaletxean izaten da sanferminetan, baina urtean zehar bere etxean izaten du santua Maribi Esparzak, eta 47 urte daramatza lan horretan. Sanferminetan, goizero hartu eta horma-hobira eraman du taldeak, eta ezinbestekoak diren osagaiekin batera (zapiak, kandelak) atontzen dute santua.
Intentsitate handiko sexu-eraso bat salatu dute Iruñeko etxebizitza partikular batean
San Fermin jaietan goizero egiten den segurtasun-batzordean, intentsitate txikiko emakumeen sexu-askatasunaren aurkako bi indarkeria-kasuren berri eman dute (ukituak), eta pertsona bat atxilotu dute. Mugimendu feministak eta konpartsek elkarretaratzea deitu du uztailaren 13rako, 21:00etan, Gaztelu plazan, jaietan izan diren eraso sexistak gaitzesteko.
Kokapena partekatzea: segurtasuna edo kontrola?
Geroz eta pertsona gehiagok beren kokapena partekatzen dute une oro, aplikazio baten bidez edota sare sozialetan, adibidez. Adituek ohartarazi dutenez, dinamika horiek kontrolarekin lotuta egon daitezke, bereziki bikoteen kasuan, kontrola eta indarkeria lotuta egon daitezkeelako kasu askotan.
'Parar la Guerra' plataformak Gazaren kontrako sarraskia gelditzeko elkarretaratzeak egin ditu Euskal Herriko hainbat udalerritan
Gazaren kontrako sarraskia gelditzeko elkarretaratzeak egin ditu gaur 'Parar la Guerra plataformak' Euskal Herriko hiriburuetan eta hainbat udalerritan. Bilbon, ehunka lagun bildu dira Areatzan, eta "behin betiko su-etena" eskatu dute bertan.
Hegazkin baten aurrean eroritako tximista bat grabatu dute, Loiuko aireportuan lur hartzen ari zela
Ostiral honetako 23:00ak aldera, Valentziatik zetorren Vueling konpainiako hegaldiaren bidaiariak ekaitz elektrikoaren lekukoa izan dira, Bilboko Aireportuan lurreratzen ari zirela.
Euri zaparrada handiak bart Araban
Eltziegoko eta Guardiako irudi hauetan argi ikus daiteke ekaitzak denbora gutxian nolako arazoak eragin zituen.
58 urteko gizon bat zauritu da entzierroaren aurretik balkoi zati bat gainera erorita
Santo Domingo aldapan, etxebizitza bateko balkoi batetik erlaitz zati bat askatu da, eta gizonaren sorbalda gainean erori da. Suhiltzaileek etxebizitzako aurrealdea garbitu eta segurtasun neurriak jarri behar izan dituzte eta, horren ondorioz, entzierroaren hasiera pixka bat atzeratu da.