Sexu-erasorik gabeko festak aldarrikatu dituzte Bilbok eta Donostiak
"Errespetuan" oinarritutako eta "sexu-erasorik gabeko" Aste Nagusia eskatu du gaur Bilboko Udalak. Era berean, "erasorik gabeko" jaiak aldarrikatu ditu Naiara Sampedro Donostiako Udalaren Berdintasun zinegotziak.
Jaietan etxeko lanen banaketa sustatzeko kanpaina baten berri eman du Sampedrok. Gipuzkoako hiriburuan emandako prentsaurrekoan, Sampedrok ekimenaren leloa azaldu du: 'Erantzukidetasuna erantzukizuna da'. Uxue Alberdi eta Beñat Gaztelumendi bertsolariek lagundu dute.
Guztiek "berdintasunean" festetaz gozatzeko etxeko lanen banaketa "orekatu" bat aldarrikatu du Sampedrok.
Bilboko Aste Nagusia
Bestalde, "Ez beti da ez; behin eta berriz saiatzea eraso egitea da. Estutzea eraso egitea da", lelopean kanpaina egingo du Bilboko Udalak, konpartsen eta beste kolaboratzaile batzuen laguntzarekin. Honenbestez, Aste Nagusian sexu-erasoak saihesteko kanpaina izango da. Jaiak abuztuaren 16an hasi eta 24an bukatuko dira.
Itziar Urtasun Festen zinegotziak eta Oihane Agirregoitia Berdintasun zinegotziak kanpaina aurkeztu dute gaur, Bilboko Areatzan. Izaskun Madariaga konpartsen ordezkariak aurkezpenean parte hartu du.
Errespetuan eta berdintasunean oinarritutako festak aldarrikatu dituzte Urtasunek eta Agirregoitiak. Horregatik, "sexu-erasorik gabeko" jaiak eskatu dituzte. "Jarrera sexistak ez onartzeko", eskatu diete herritarrei.
Merkatari eta ostalarien sei elkartek (600 denda eta 241 taberna) parte hartuko dute kanpainan, konpartsekin eta Udalarekin batera. Lokaletan kartelak jarriko dituzte, eta baita 600.000 ahozapi banatu ere.
Zure interesekoa izan daiteke
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik azaltzen zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Hasi da Bilbon Bilbon euskararen alde ELA, LAB eta Steilas sindikatuek deitutako manifestazioa
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.