Eusko Jaurlaritzak Garoña behin betiko itxi behar dutela berretsi du
Eusko Jaurlaritzak Garoña behin betiko itxi behar dutela esan du berriro. Ana Oregi Ingurumen eta Lurralde Politikaren sailburuak zentralaren inguruko "antzerkia" amaitzea eta hura behin betiko ixtea eskatu du; izan ere, "bere asmo guztiak bete ditu eta berriro irekitzea gehiegikeria izango litzateke", esan du.
Radio Euskadin elkarrizketatu dute Oregi, eta horrela erantzun dizkio asteartean Cristina Narbona Segurtasun Nuklearraren Kontseiluaren kontseilariak egindako adierazpenei. Narbonaren arabera, baliteke Nuclenorren interes ekonomikoek segurtasunarenek baino garrantzi handiagoa izatea, zentrala berriro irekiko duten ala ez erabakitzean.
Sailburuaren esanetan, kezkagarria da hori gertatzeko aukera egotea: "Eusko Jaurlaritzatik, beti esan dugu Garoñak bere asmo guztiak bete dituela eta lehen belauneko zentrala da".
60 urteko jarduera
Bere ustez, zentralaren bizitza luzatuko balute horren jarduera epea 60 urtekoa izan liteke, "eta hori gehiegikeria izango litzateke". "Ahotsa izan dugun foro guztietan itxiera eskatu dugu, baldintzarik gabe, baina antzerki moduko bat ari gara ikusten. Egun batean ixten dutela, hurrengoan berriro bilduko direla, eta azken urtea Garoñaren inguruan hitz egiten eman dugu".
Hori dela eta, Oregik esan du "nahikoa dela, gauzak seriotasunez egin behar direla eta Garoña itxi behar dutela; berriro esaten dut hori eskatzen dugula", nabarmendu du.
AHTren inguruan, kezka
Bestalde, Ana Oregik azpimarratu du Sustapen Ministerioak Euskadin Abiadura Handiko Trenaren eraikuntza oso garrantzitsua dela esaten duela, baina gero praktikan beste gauza bat egiten duela, eta ez diola lehentasuna ematen.
Sailburua kezkatuta azaldu da "Bergarako korapiloa"ren lanen aurrean; izan ere, Ministerioak sei tarteetako "bat bakarrik" lizitatu du. Gainera, erdialdeko tarteune bat da, eta, hortaz, ez dago operatiboa den tarteune osorik.
Esan duenez, "arazoa dugu denak ez badituzte lizitatzen; Madril eta Parisen arteko iragaiteak oztopatuta jarraituko luke".
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.