Atxilotuta Gasteizen hilik topatutako emakumearen bikotekide ohia
Ertzaintzak Gasteizko etxebizitza batean hilik topatutako emakume zerbitzariaren bikotekide ohia atxilotu du, berak hil zuelakoan.
45 urteko atxilotuak biktimarekin “harremanen bat” zuen oraindik. Ikerketako iturriek EFE albiste-agentziari azaldu diotenez, atxilotuak “zurigarri” bat du eta ikertzaileek egiaztatu behar dute. Gainera, miaketaren bat egiteko baimen judizialaren zain daude.
Ikerketan parte hartzen ari diren zenbait kidek Efe albiste-agentziari esan diotenez, emakumeen kontrako indarkeria kasua litzateke, baina Segurtasun Sailak azpimarratu du ikerketak aurrera jarraitzen duela eta ez dutela, oraingoz, hipotesirik baztertu gertatutakoaren inguruan. Baliteke drogekin lotutako kasua izatea.
Izan ere, atxilotutakoak (atzerritarra da) zenbait gertaera izan ditu drogekin lotuta, azkena aurreko astean; Ertzaintzak drogak topatu zituen hildakoak lan egiten zuen tabernan, Beato Tomas de Zumarraga kalean.
Taberna horretan, hain zuzen (atzotik itxita dago), ohikoak dira droga-trafikoarekin eta borrokekin lotutako gertaerak, eta Ertzaintzak esku hartu behar izaten du.
42 urteko emakumearen gorpua atzo aurkitu zuten, 17:15 aldera, Gasteizko El Pilar auzoko etxebizitza batean, Guayaquil kalean.
Hildakoaren hilotzak indarkeria zantzu argiak zituen.
Ondoren, Ertzaintzak ikerketa abiarazi zuen eta, hainbat hipotesi aztertu eta gero, hildako emakumearen bikotekide ohia atxilotu zuen, hilketaren egilea izatea leporatuta.
Bizi zen eraikineko auzokideek Eferi adierazi diotenez, baliteke hilketa aurreko ostiralean gertatzea, norbaitek “Ni ez naiz izan!” eta “Laguntza!” oihukatu egin baitzuen.
Auzokideen arabera, emakumea (dominikarra) egun horretan hil zen, eta asteburuan lanera joan ez zenez, bere inguruko norbait bila joan zen etxebizitzara.
Antza denez, pertsona horrek, emakumeak erantzunik ematen ez zuela ikusita, Ertzaintza jakinaren gainean jarri zuen, eta etxebizitzan sartzean, gaztearen gorpua topatu zuten.
Ertzaintzako zenbait agente etxebizitzara joan ziren atzo, indarkeriaz egindako hilketa horren nondik norakoak argitzen lagunduko duten zantzuak jasotzeko.
Albiste gehiago gizartea
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.