Euskadi Europa baino azkarrago ari da zahartzen
EAEko biztanleria Europako batez bestekoa baino azkarrago ari da zahartzen: 65 urtetik gorako herritarrak biztanleria osoaren % 20,2 dira, Europako portzentajerik altuenetakoa. Datu horren atzean dagoen arrazoi nagusia EAEko emakumeen bizi-itxaropena da, 85 urte baino gehiagokoa, Europako batez bestekoa baino dezente altuagoa.
EAEko herritarren osasunaren inguruko datuak aztertu ditu Eustatek, Europako Batasuneko herrialdeekin alderaketa eginez. EBko herritarren % 18,2 dira 65 urtetik gorakoak.
Datu horien arabera, EAEko biztanleria Europako zaharrenetakoa da, Italiaren eta Alemaniaren atzetik: bi herrialde horietan 65 urtetik gorako herritarren kopurua % 21,2koa eta % 20,7ko da, hurrenez hurren. Espainian, berriz, biztanleriaren % 17,7 da adin horretakoa. Irlanda da populazio gazteena duen herrialdea: 65 urtetik gorakoak % 12,2 dira.
EAEko haur-biztanleria % 13,8koa da, Europako Batasunekoa % 15,6ko den bitartean.
Heriotza arrazoiei buruz Eustaten ikerketak jaso duenez, EAEn tumoreak dira heriotzen eragile nagusiak. Europan, berriz, zirkulazio aparatuarekin lotutako gaixotasunak.
Zahartzaroarekin lotutako heriotzak ere geroz eta gehiago dira EAEn.
Zure interesekoa izan daiteke
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.