Albako dukesa hil da
Albako dukesa, Cayetana Fitz-James Stuart, hil da gaur, Sevillan, biriketako infekzio batek eragindako ondorioak ezin gaindituta. Berria Juan Ignacio Zoido Sevillako alkateak eman du, eta aristokrata espainiarraren aldeko hil-kapera Andaluziako hiri honetan paratu dute.
Hil-kapera 23:00ak aldera itxi dute, 80.000 pertsona bertatik pasa eta gero, Udaleko iturrien arabera. Cayetana Fitz-James Stuarten hilkutxari bisita egiteko aretoa ostiral honetan zabalduko dute berriz, 09:00etatik 11:00etara. Sevillako katedralera eramateko prestatzen hasiko dira 11:00etan.
88 urte zituela hil da Albako Cayetana, Sevillako Dueñas jauregian, senitartekoak eta Alfonso Diez senarra ondoan zituela.
Twitter bidez zabaldu du heriotzaren berria Zoidok: "Cayetana andreak beti izan du Sevilla bihotzean, eta, horregatik, beti izango da Sevillaren bihotzean. Goian bego", idatzi du.
Albako dukesaren gorpua erraustu egingo dute eta, ondoren, haren errautsak Ijitoen Kristoa delakoaren azpian jarriko dituzte, hain zuzen ere, kofradia horrek Sevillan daukan kaperako aldarean.
Azkenaldian gaixo zebilen Albako dukesa. Igandean, Sevillako Quiron Sagrado Corazon erietxera eraman zuten, eta Zainketa Berezien Unitatean sartu zuten, arnasa hartzeko arazoak zituela. Hobera egiten ez zuela ikusita, Dueñaseko jauregira eraman zuten asteartean, "gaixoak eta haren familiakoek eskatuta". Ordudanik, 30 bat kazetari izan dira eraikinaren inguruan, zorigaiztoko albistearen zain.
Biografia
Maria del Rosario Cayetana Alfonsa Victoria Eugenia Francisca Fitz-James Stuart y de Silva Madrilen jaio zen 1926ko martxoaren 28an, Liriako jauregian. Gerra Zibila hasi zenean, Londresera joan zen familiarekin. Erbestean egonda ere, ezin izan zion gerrari ihes egin, hiru urte geroago, Bigarren Mundu Gerra abiatu baitzen.
Espainiara itzulita, aitaren gomendioz, Pedro Luis Martinez de Irujo y Artazcoz aristokatrarekin ezkondu zen. Ezkontza 1947ko urriaren 12an ospatu zuten, Sevillan.
Jacobo Fitz-James aita hil zenean, haren eskutik jaso zuen Alba de Tormesko dukerria. Sei seme-alaba izan zituen: Carlos, Huescarko dukea; Alfonso, Aliagako dukea; Jacobo, Siruelako kondea; Fernando, San Vicente del Barcoko markesa; Cayetano, Salvatierrako kondea, eta Eugenia, Montoroko dukesa.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.