Albako dukesaren biografia
Maria del Rosario Cayetana Fitz-James Stuart y Silva, Albako Cayetana edo Albako dukesa izenaz ezaguna, 1926ko martxoaren 28an jaio zen Madrilen, Alba de Tormes noble familiaren baitan. Albako Cayetana gaur, 2014ko azaroak 20, hil da, biriketako infekzio batek eraginda.
Erresuma Batuko Jakobo II.a erregearen ondorengo, munduan noblezia-titulu gehien dituen pertsona zen, Guinness liburuaren arabera. 46 zituen: bost duketza, 18 markesgo eta 20 kondetza, bizkondetza eta kondetza-duketza. Horrez gain, 14 aldiz zen Espainiako handiki. Espainiar Estatuko 10 aberats handienen artean zegoen eta Europako aberastasun handienetakoa zuen: 1.000 milioi euroko balioa duen ondarearen jabe zen.
Amaren heriotza eta erbestea izan ziren bere haurtzaroaren ardatz. Jasotako heziketa zainduari esker, kultura handiko emakumea zen Albako dukesa, eta bost hizkuntza zekizkien.
Albako Tormes dukerria aitaren, Jacobo Fitz-Jamesen, eskutik jaso zuen, 1953an.
Hiru aldiz ezkondu zen. Luis Martinez de Irujo lehen senarrarekin eduki zituen bere sei seme-alabak: Carlos Fitz-James Stuart y Martínez de Irujo; Alfonso Martínez de Irujo y Fitz-James Stuart; Jacobo Fitz-James Stuart y Martínez de Irujo; Fernando Martínez de Irujo y Fitz-James Stuart; Cayetano Martínez de Irujo y Fitz-James Stuart; eta Eugenia Martínez de Irujo y Fitz-James Stuart. Alargun geratu eta sei urtera, 1978an, Jesus Aguirre eta Ortiz de Zarate jesuita ohiarekin ezkondu zen. Aguirre 2001ean hil zen, minbiziak jota. 2008an, Alfonso Diez Estatuko funtzionarioarekin ezkondu zen.
Espainiar folklorearen defendatzaile sutsua zen Albako dukesa, zezenketen eta flamenkoarena batez ere. Euskal Herriarekin ere harreman estua zuen, urtero Donostiako Arbaizenea jauregian igaro baititu udako oporrak.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.