‘Ez zegoen zantzurik arrisku handiko partidutzat jotzeko’
Francisco Martinez eta Miguel Cardenal Kiroletako eta Segurtasun Estatu idazkariek ziurtatu dutenez, poliziaren eta epaileen hasierako ikerketen arabera, ez zegoen zantzurik aurreikusteko gertatutako ezbeharra, ezta ‘arrisku handiko partidutzat’ jotzeko aurrekaririk ere.
Ez dute arrisku zantzurik topatu sare sozialetan, baina iragarri dute ikerketa bat abiatuko dutela, hainbat sarrera ez baitzituzten ohiko bideetatik eskuratu eta Riazor Blues Deportivoko zaleek autobus bat alokatu zuten, probintziatik kanpo, poliziaren kontrola eta babesa ekiditeko asmoz.
“Poliziaren babesetik ihes egiteko asmoa izan zuten”, esan du Gobernuaren Segurtasun arduradunak. Gainera, ziurtatu duenez, segurtasun operatiboa “egokia” izan zen, 100 agentek eta 60 udaltzaingok hartu zuten parte, eta “ez zen arrisku handiko partidua” izan.
Era berean, idazkariek “oso larritzat” jo dute igandean Vicente Calderon futbol zelaiaren inguruetan gertatutakoa, baina “ezohikoak” izan direla nabarmendu dute. Momentura arte, 21 pertsona atxilotu dituzte eta Francisco Javier Romero Taboada Deportivoko zalea hil dute.
Idazkariek Indarkeriaren kontrako Batzorde Nazionalaren bileraren ondoren egin dituzte adierazpenak. Batzordeak larrialdiko batzarra egin du, igandeko gertakari larriengatik.
Bertan, Martinez eta Cardenalez gain, Javier Tebas Profesionalen Futbol Liga (LFP) presidentea; Vicente Temprado Madrileko Federakuntzako presidentea (Espainiako Federazioaren izenean); Tino Fernandez Deportivoko presidentea; Clemente Villaverde Athletico Madrileko presidentea eta Cristina Cifuentes Madrilgo Erkidegoan Gobernuak duen ordezkaria.
“Gertatutakoa oso larria da, baina ezohikoak dira. Honekin ez diot garrantzirik kendu nahi. Indarkeriaren kontrako borroka kiroletan irmoa, etengabekoa eta estua da segurtasun publikoaren arduradunen partetik, eta kasu gehienetan eraginkorra eta pozgarria da”, esan du Martinezek.
Gainera, Segurtasun Estatu idazkariak gogorarazi duenez, orain hilabete batzuk indarkeria aurreikusteko eta horren kontrako borrokan parte hartzen duten guztiei horren moduko jarrerak salatu eta zigortzeko eskatu zieten. “Konpromisoa erabatekoa eta irmoa izan behar da, edozein motako indarkeriarekin”, gaineratu du.
>
Albiste gehiago gizartea
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.