C hepatitisa duten gaixoei itxialdia egitea eragotzi diete Iruñean
C hepatitisa duten gaixoek Iruñeko Bideko Ama Birjina ospitalean itxialdia egiteko asmoa zuten, baina Foruzaingoak eragotzi egin diete.
Hainbat gaixok, bakarka, ospitalean sartzea lortu dute, baina taldean sartzen saiatu direnean, Foruzaingoak galarazi egin die. Antolatzaileek salatu duenez, beste toki batzuetan itxialdiak egin dituzte eta Nafarroan soilik izan dituzte arazoak horretarako.
Antolatzaileen hitzetan, itxialdi hau Nafarroako Gobernuari presio egiteko azken aukera zen. Salatu dutenez, C hepatitisa duten 1.200 gaixok tratamendua behar dute, baina 20 inguru dira une honetan tratamendua jasotzen ari direnak.
Iruñean bezala, beste hainbat tokitan ere mobilizazioak egin dituzte; hala, Bilbon elkarretaratzea egin dute, goizean, egoera salatzeko eta Madrilen martxa egin dute.
C hepatitisa duten gaixoek botika exijitu dute, 'bihar berandu delako'
C hepatitisa duten ehun bat gaixok, senitartekok eta lagunek elkarretaratzea egin dute gaur Bilbon gaixotasun horren aurkako sendagaia eskatzeko, gaixo askorentzat, "bihar berandu delako".
C Hepatitisa duten Gaixoen Bizkaiko Plataforma duela gutxi sortu da, eta gaurkoa lehen ekitaldia izan da. Osasun publikoak "bizitzeko eskubidea" bermatzea da elkartearen helburua, Sovaldi sendagaiaren bitartez, alegia. Botika honek % 90ko eraginkortasuna du, eta gaixo bakoitzeko 60.000 euroko kostua du.
Nuria Arroyo plataforma horretako bozeramaileak manifestu bat irakurri du. Arroyok azpimarratu duenez, gaixoak eta haien senitartekoak "suminduta" daude, Gobernuen "bidegakeriak eta erantzukizun eza ikusita".
"Esan zigutena sinestu genuen, baina gure itxaropenarekin jolastu dute, engainatu gaituzte: gaixotasuna sendatzeko botika dago, baina ez dugu jasotzen, gu hiltzen uzten ari dira", esan du Arroyok.
"Sendagaia exijitzen dugu, eta berehala jaso nahi ditugu gainera, gure denbora amaitzear dagoelako", gaineratu du. "Ez dakigu traba non dagoen", adierazi du, Euskadin "kasu oso larriei eta gutxi batzuei bakarrik eman diete sendagaia".
Martxa Madrilen
Bestalde, C Hepatitisa duten Gaixoen Plataforma nazionalak (PLAFH) martxa hasi du Madrilen, Moncloako Jauregiraino, birusa duten lagun guztiek sendagaia jaso dezaten. Azken belaunaldiko sendagai horiek gaixoei emateko baimena dute dagoeneko.
Ekimena 09:45ean abiatu dute Madrilgo Legazpi plazatik, 'Esaiozu Gobernuari: tratamendua guztiontzat' lelopean.
Martxa hasi aurretik Mario Cortes plataformaren presidenteak baieztatu duenez, C hepatitisa duten gaixoei "herritarrek eskainitako babesa" helaraziko diote Gobernuko presidenteari.
"Egunero babes handiagoa dugu, herrialde osoan plataforma berriak sortzen ari dira, baina ez bakarrik C hepatitisarekin lotutakoak, baita gainerako gaixotasunen ingurukoak ere, hori baita osasun publikoaren arazoa", salatu du Cortesek, "guk kalean jarraituko dugu, eta egunetik egunera gero eta gehiago izango gara".
Rajoyren erantzuna
Bestalde, Mariano Rajoy Gobernuko presidenteak iragarri duenez, "espainiar biztanle bat ere ez da geratuko mediku batek agindutako sendagai barik".
Rajoyk adierazi duenez, Espainiako osasun-sistema "munduko onenetariko bat da". Gainera, C hepatitisa sendatzeko botika gaixo guztiek jasoko dutela azpimarratu du. "Hau horrela izango da", esan du, "Gobernuko presidentearen hitza da".
PPko zuzendaritza-batzordeak Toledon egindako batzarraren ostean egin ditu Rajoyk adierazpen hauek.
Zure interesekoa izan daiteke
Gizon batek emaztea hil eta ama larri zauritu du Sarrigurenen
Gertakariak Eguesibarrean (Nafarroa) jazo dira, arratsaldeko 19:30ak aldera. Udalak Bozeramaileen Batzordea deitu du 10:00etarako hilketa matxista salatzeko.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.