Katalunian ikastorduen laurdenak gaztelaniaz emateko agindu du Gorenak
Kataluniako ikastetxeetan irakasgaien laurdena gazteleraz irakastea agindu du Espainiako Auzitegi Gorenak. Gainera, gaztelera ikasgaia ez ezik, ikasgai ardatzetako bat ere gazteleraz irakatsi beharko dute Kataluniako hezkuntza zentroetan.
Auzitegi Goreneko Administrazioarekiko Auzien Salak gaur argitaratutako bi epaiek Kataluniako Justizia Auzitegi Nagusiak ezarritako portzentajea babestu du. Kataluniako Justizia Auzitegi Nagusiak komunikazio hizkuntza edo irakas-hizkuntza izaera aitortu zion gaztelerari 2010. urtean.
Auzitegiak Kataluniako Gobernuari arrazoia ez emateaz gain, Kataluniako Auzitegi Nagusiak duela bost urte ebatzitako epaia ez betetzea aurpegiratu dio.
Gaur ezagutarazitako epaien arabera, gaztelaniaren irakaskuntza bermatzeko ezarritako portzentajea "proportzionala, zentzuzkoa eta neurrikoa da". Gaztelania irakas-hizkuntza izan dadila lortzeko "ez da nahikoa hizkuntza horretan ikasgai bakarra irakastea, beraz, beharrezkoa da ikasgai ardatzetako bat ere gazteleraz irakastea".
Bestalde, Auzitegi Gorenak atzera bota du eskolak gazteleraz jaso nahi dituzten ikasleei banan-banako arreta eskaintzeko Generalitateak egindako eskaera. Epaiaren arabera, horrek diskriminazio egoera bat sortuko luke.
Rigauren iritziz, ez dagokio Gorenari Kataluniako hezkuntza eredua aldatzea
Irene Rigau Kataluniako Hezkuntza kontseilariaren esanetan, "ez dagokio Auzitegi Gorenari Kataluniako Parlamentuak onartutako hezkuntza eredua aldatzea edota aldaketaren bat eskatzea, ez baitu inolako eskumenik". Horren ustez, Gorenaren ebazpena gurasoek eskatzen duten kasuetan aplikatuko da.
Kontseilariaren arabera, Auzitegi Gorenak kasu partikularrei buruzko epaiak bakarrik eman ditzake. Beraz, Rigauk adierazi du epaiak haur baten kasu partikularrean soilik eragingo duela eta ez duela bestelako ondoriorik izango. Halaber, azaldu du gurasoen eskatu duten kasuetan aipaturiko portzentajea betetzen dela.
Zure interesekoa izan daiteke
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.