Eguraldia lagun, jendetza bildu da Senpereko lakuaren inguruan
Milaka euskaltzale bildu dira igande honetan Senpere lakuaren aldamenean 2015eko Herri Urrats Iparraldeko ikastolen jaialdiarekin bat egiteko. Aurten bildutako dirua Ziburuko Kaskarotenea ikastola eraikitzeko erabiliko da, eta ekimen horri babes osoa erakutsi diote milaka lagunek.
Giroa paregabea izan da goizeko lehen orduetatik, batik bat antolatzaileek prestatutako egitarauari esker. Izan ere, adin guztietako lagunentzat ekitaldiak aurreikusi dituzte, eta musikak, urtero legez, protagonismo berezia izan du. Gauzak horrela, agertokietan hainbat musika-taldea izan dira: Aire Ahizpak, Aguxtin Alkhat, Betagarri, Joxe Replay, Glaukoma, Willis Drumond (Niko Etxartekin batera, aurtengo abestiaren egilea, hain zuzen ere). Gainera, Torii taldea eta Nahia Zubeldiak eta Manu Mathhysek osatutako elektro-folk bikotea ere aritu dira kantuan.
Euskararen garrantzia lurralde-kontratuan
Bestalde, aldarrikapen eguna ere izan da, eta bertan bildutako ordezkari politikoek, Departamenduko presidenteak, hainbat legebiltzarkidek, zenbait senatarik, Gipuzkoako ahaldun nagusiak eta Hizkuntza Politikarako sailburuordeak, besteak beste, euskararekiko konpromisoa berretsi dute.
Seaskako arduradunek azaldu dutenez, Kaskarotenea ikastola eraiki ahal izateko baimena bidean da, eta datorren ikasturtea eraikin berria hastea espero dute. Era berean, gaur bildutako dirua Seaskak datorren ikasturtean irekiko dituen hiru ikastola berrientzako ere erabiliko dute.
Bestalde, lurralde-kontratu berrian euskarari berebiziko garrantzia eman behar zaiola esan du Ur Gorostiaga Iparraldeko Ikastolen Federazioa Seaskako zuzendariak. "Hainbat lan egin dira, hainbat txosten finkatuz euskarak behar duela kualitatiboko eta kuantitatiboki bultzada berria, eta hori Departamenduarekin, Akitaniarekin eta Estuarekin negoziatuko den lurralde-kontratuan gauzatu beharko da", azpimarratu du Gorostiagak.
Amaitzeko, euskal hautetsiek ez dezatela instituzio bakar baten aukera baztertu eta urte amaieran babes dezatela eskatu du.
Bestalde, Hizkuntza Politikarako sailburuorde Patxi Baztarrikak esan duenez, "Frantziak Europako Hizkuntza Gutxituen Gutuna berretsi behar du".
Frantxua Maitia sozialistak, berriz, gogoratu egin du Euskararen Erakunde Publikoak, Seaskak eta Frantziako Hezkuntza Ministerioak hirugarren hitzarmena sinatu behar dutela aurten.
Balorazio positiboa
Seaskako kideek balorazio positiboa egin dute eta pozik azaldu dira jasotako babesagatik. Hala, Paxkal Indo Seaskako presidenteak azpimarratu du aurtengoa edizio arrakastatsua izan dela, herritar asko gerturatu direla Senperera eta giroa ezinhobea izan dela.
Zure interesekoa izan daiteke
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskilak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguruk parte hartu dute ekitaldian. Ohorezko aurreskuaren ostean, eguneko protagonistak Artepan okindegira joan dira, ohiko 'txoripan'-ez gozatzera, musika banda ezberdinen erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.