Turisten kopurua % 9,9 hazi da EAEn Aste Santuan
Iazko datuekin alderatuta, Euskal Autonomia Erkidegora Aste Santuan etorritako bidaiarien kopuruak gora egin du aurten, % 9,9 zehazki. Gaua EAEko hotel edo ostatuetan emandakoen kopurua ere hazi da, % 9,6, betiere Eustat Euskal Estatistika Institutuaren arabera.
Datuon arabera, 38.978 sarrera eta 84.462 gaualdi zenbatu ziren ostegunetik igandera doan tartean. Batez beste, 2,17 eguneko egonaldia egin zuten turistek EAEn.
Gora egin dute Estatutik etorritako kopuruak (29.078) zein atzerritik etorritakoak (9.900). Estatuko bidaiariak % 9,6 hazi ziren eta atzerritarrak, % 10,8. Gaualdiei dagokienez, Estatukoak % 10,3 igo ziren eta % 7,2, atzerrikoak.
Gipuzkoa, hiru lurraldeen buru
Turisten kopurua hiru lurraldeetan hazi da, baina Gipuzkoakoa da datu onena: bidaiarien sarrerak % 15,9 hazi ziren, eta % 13,4, gaualdienak. Apalagoak izan dira Bizkaiko datuak: % 8,2 eta % 7,6, hurrenez hurren.
Arabari dagokionez, gaualdien kopuruak % 5,8 egin zuen gora, eta bidaiarien sarreren kopurua iazkoen parekoa izan da.
Ostirala, egun onena
Aste Santuko Ostiral Santuan izan ziren okupazio maila handienak. Hala, Gipuzkoan % 92,7koa izan da; Bizkaian, % 87koa, eta Araban, % 80,8koa.
Datuak hiriburuz hiruburu aztertuta, egun horretan zenbatu zituzten turista gehien: hotelen okupazioa % 97,4koa izan zen Donostian, % 93,3koa Bilbon eta 84,4koa Gasteizen.
Zure interesekoa izan daiteke
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.