Ertzain bat atxilotu dute Leitzan, kamioi gidari bat hiltzea egotzita
Kamioi gidari bat hil da ostegun honetan Leitzan (Nafarroa), tiroz, Nafarroako Gobernuak jakinarazi duenez. Nafarroako Foruzaingoak ertzain bat atxilotu du erasotzailea delakoan, ikerketako iturriek EFE albiste agentziari adierazi diotenez.
Gertaera 13:19an A-15 autobiderako sarbidean gertatu da, Donostiarako norabidean.
Foruzaingoaren arabera, ertzaina bizkaitarra da, baina Iruñean bizi da. Bere ibilgailuan Tolosara (Gipuzkoa) zihoan, lantokia bertan duelako.
Bestalde, kamioilaria Granadako garraio enpresa bateko behargina da. Dirudienez, kamioilaria Aguas Lanjaron enpresarentzat plastikozko botilen bila etorri da Euskal Herrira.
Antza denez, zirkulazioa dela eta eztabaida bat izan dute biktimak eta atxilotuak, eta azken horrek tiro egin dio kamioi gidariari buruan. Momentuz, eztabaida zerk eragin duen ez dute zehaztu. Ika-mikan biak ibilgailuetatik jaitsi dira eta ertzainak tiro egin du, Foruzaingoak emandako datuen arabera.
Kamioilariaren gorpua Iruñera eraman dute dagoeneko. Foruzaingoa gertatutakoa ikertzen ari da; izan ere, hilketa Nafarroan gertatu da.
Arauzko arma
Hildako gidariaren senitartekoei elkartasuna adierazi eta gero, tiroa "ustez, ertzainaren arauzko armarekin egin ez" duela azaldu du Estefania Beltran de Heredia Segurtasun sailburuak.
Nafarroako epaileari eta Foruzaingoari ikerketan laguntzeko prest agertu da sailburua. Atxilotutako ertzaina eskarmentu handikoa dela eta Oriako polizia-etxean lan egiten duela esan du Beltran de Herediak.
Foruzaingoa hilketa gertatu den tokian. Argazkia: EFE
Ertzaintzak lanetik kanpo ez dute arauzko arma eramateko baimenik. Horretarako baimen berezia behar dute, Segurtasun Saileko iturriek azaldu dutenez. ETA aktibo zegoen garaian arauzko arma gainean eramateko baimena zuten ertzainek, babeserako neurri bezala, iturri berdinen arabera.
Hala ere, bigarren arma bat izateko aukera dute orain. Horregatik, tiro bigarren arma horrekin egin ote duen ala ez ikertzen ari dira.
Radio Euskadik baieztatu duenez, atxilotuak arma partikular edo pertsonal bat zeraman. Bestalde, atxilotuak 20 urte baino gehiagoko eskarmentua du Ertzaintzan eta ez du inolako aurrekaririk, ezta arazo psikiatrikorik ere.
Motrileko (Granada) Udala senitartekoen esanetara jarri da
Kamioilaria Motrilen (Granada) bizi zen. Bertako Udalak gertatutakoa deitoratu du eta biktimaren familiaren esanetara jarri da.
Hildakoa 39 urteko Jesus Madrigal Burgos da. Biktimak bikotekidea du, baina ez du seme-alabarik.
Udalaren elkartasuna adierazi die Luisa Garcia Chamorro Motrileko alkateak senitartekoei, eta edozein kudeaketarako familiaren aginduetara jarri da.
"Erruduna zigor gabe ez geratzea" eskatu du Hiruk
Kamioilariaren heriotza gaitzetsi du Hiru garraiolarien sindikatuak. "Gertatutakoa argitzeko beharrezko neurri guztiak" hartzea eta "erruduna zigor gabe ez geratzea" eskatu du. Hildakoaren familiari "elkartasuna" adierazi dio sindikatuak agiri batean.
"Eztabaida baten erdian tiro egiteak ustezko egilearen aiurria agerian uzten du", Hiruk agirian adierazi duenez.
>
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.