Ekarpen subordinatuen kaltedunei diru gehiago itzultzea eskatu dute
Eroskiren finantza-ekarpen subordinatuen auzian trukea onartu zuten kaltedunek "berehala" jaso behar duten diru-kopurua handitzea proposatu du Kontsumobide Kontsumoko Euskal Institutuak. Kontsumobidek egindako proposamena "premian" dauden pertsonei zuzenduta dago, eta finantza-erakundeek aukera hori onartuz gero, kaltedunek "segituan" jaso beharreko kopurua jarritako diruaren % 15etik % 59ra igoko da.
Elena Unzueta Kontsumobideko zuzendariak agerraldia egin du Eusko Legebiltzarreko Osasun eta Kontsumo Batzordean, eta Kontsumoko Euskal Institutuak Eroskiren eta Fagorren finantza-ekarpen subordinatuen auzian egindako kudeaketa izan du hizpide bertan.
Beren dirua arrisku handiko produktu horietan inbertitu zuten eta jarritako dirua berreskuratu ezin izan duten mila aurreztaile baino gehiagoren kexak jaso ditu Eusko Jaurlaritzak.
Kontsumobideko arduradunak azaldu duenez, haren erakundeak ezin izan du bitartekari lana egin Fagorren finantza-ekarpen subordinatuen auzian enpresa hartzekodunen konkurtso egoeran zegoelako.
Eroskiren kasuan, Kontsumobidek beste proposamen bat aurkeztu du, eta horrek kooperatibaren oniritzia jaso du. Horren arabera, aurreztaileek, produktu horietan inbertitutako 100 euro bakoitzeko, 15 euro jasoko dituzte eskudirutan eta beste 55 euro bonu bidez; 12 urte barru izango dute bonu horiek diruaren truke aldatzeko aukera. Dena den, truke hori onartuz gero, kaltedunek jarritako diruaren % 30i uko egin beharko diote.
Bestalde, Kontsumobidek proposamen bat egin die finantza-ekarpen subordinatuak komertzializatu zituzten finantza-erakundeei. Horren arabera, "premia" egoeran dauden kaltedunek diru gehiago jasoko dute "segituan". Aukera hori baieztatuz gero, hasiera batean aurreikusitakoa baino lau aldiz gehiago jasoko dute kaltedunek orain.
Hala eta guztiz ere, truke horren onuradunak izateko, hainbat baldintza bete beharko dituzte kaltedunek; familia unitatearen baitan, menpeko pertsonak edo gaixoak izan beharko dituzte, edo diru-sarrerarik ez, edo sarrera txikiak.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.